от 1. Бирор нарсанинг ҳамма устки қисмларини тутиб, кўтариб турадиган остки қисми; пойдевор, фундамент.
— Албатта, янги усулда, — дейди Берди татар, — негизи ўн қаторча пишиқ ғишт, юқориси хом ғишт. — А. Қодирий, Обид кетмон
2. Бирор нарсанинг асосини ташкил этган омил; база, асос.
Ўзбекистонда чорвачиликни саноат негизида ташкил этиш борасида кўп ишлар қилинди. — Н. Мавлонов, Қорамолчилик
Ҳужайра ҳар қандай организмнинг негизи ҳисобланади. — Газетадан
3. тлш. Сўзнинг асосий маъносини билдирувчи, сўз ўзгартувчи қўшимчалар олмаган қисми.
Негиз ва қўшимча.