Qidiruv

ot 1. Pulini darhol toʻlash sharti bilan boʻlgan yoki boʻladigan savdo muomalasi.

Naqdga olmoq. Naqdga sotmoq.

2. Qoʻlda, ixtiyorda bor, foydalanish yoki muomalaga kiritish uchun tayyor.

Naqd pul. Naqd qilmoq.

Safoxon toʻra-chi? Bu zot uning ezgu niyatini quvvatlabgina qolmay, qoʻliga naqd mablagʻ ham tutqazdi! — K. Yashin, Hamza

— Boʻldi, adash, boʻldi! — dedi Kolyaning oldiga borgan Qudrat doʻppisini osmonga tashlab. — Ruxsat arava ham naqd!. — Nazir, Soʻnmas chaqmoqlar

Soyma-soy jilib, yerlarni bir-biriga qoʻsha-qoʻsha, hozir ellik gektarni naqd qildik. — H. Nazir, Mayoq sari

3. Aniq, hal boʻlgan, tayyor.

[Fotima:] Oʻqishga kirishi naqdga oʻxshaydi Peshonam qursin seni katta qilib berganim kam ekan, endi bolasini ham katta qilib beraman, shekilli. — A. Qahhor. Asarlar.

esk. kt. Naqd pul.

Oʻgʻlim, endi bozor-oʻcharning ham payidan boʻling. Naqdina pul — ham yengil, ham qimmat, ham yashirishga oson boʻladi. — Gʻ. Gʻulom, Shum bola

fl. Naqd qilmoq, tayyor qilmoq.

Koʻmir kelgan boʻlsa-ya? Esingni yedingmi, Qodir, senga koʻmirni naqdlab turibdimi shu topda, — oʻzini oʻzi koyirdi [Qodirxoʻja], — Yana biron korxona kelayotgandir, kutib olish kerak. — R. Fayziy, Hazrati inson

fl. Naqdlamoq feʼlining majhul nisbati.

fl. ayn. Naqdlamoq.