ot 1. Majlisda muhokamaga qoʻyilgan masala yuzasidan uz fikrini bayon qilish, shu munosabat bilan gapirilgan nutq, soʻz.
Maʼruza yuzasidan muzokara boshlamoq. Muzokaraga oʻtmoq.
Dokladdan keyin qizgʻin muzokara boshlanib ketdi. — A. Qahhor, Qoʻshchinor chiroqlari
Muzokaraga qatnashgan xodimlar olib borilayotgan ilmiy tadqiqot ishlari haqida oʻz mulohazalarini aytdilar. — OʻTA
2. Shart-sharoit, tomonlarning talablari haqida fikr almashish.
Sulh haqida muzokara olib bormoq. Diplomatik muzokaralar.
Qudalar oʻrtasida roʻy beradigan anglashilmovchiliklar, janjallar aksar vaqt muzokara va murosa yoʻli bilan hal qilinadi. — Oybek, Tanlangan asarlar