Поиск

Telekommunikatsiya vositalari, tizimlar va integral sxemalarni ishlab chiqaruvchi kompaniya. Motorola kompaniyasi AQSHda 1928 yilda yaratilgan boʻlib, dastlab Galvin Manufacturing deb nomlangan. 1947 yilda nomini oʻzgartirgan. Oʻz faoliyatini kuchlanish oʻzgartirgichlarini ishlab chiqarishdan boshlagan. Keyin, radio qabul qiluvchilar, televizorlar, radio qurilmalarni ishlab chiqishga oʻtgan. 1952 yilda Motorola yarimoʻtkazgichlarni, 1960 yilda esa radio chaqirish qurilmalarini ishlab chiqarishni yoʻlga qoʻygan. 1974 yilda Motorola oʻzining birinchi mikroprotsessorini ishlab chiqargan. Hozirgi kunda kompaniya turli xil radio qurilmalarni ishlab chiqaradi – kichik hajmdagi radio chaqirish qurilmalaridan tortib yerusti yoʻldosh stansiyalarigacha.