Қидирув

сфт. 1. Бир-бирига тўғри; ўхшаш, монанд.

Икки севгучи қалбнинг орзулари, ўйлари, қарашлари ҳар масалада ғоят мос келар эди. — Ойбек, Танланган асарлар

2. Муносиб, лойиқ.

Келин билан куёв бир-бирига жуда мос. Мос номзод(лар).

3. Тўғри келадиган; лойиқ, боп.

Комбинезон билан резинка этик жуда катта эди, унга [Луқмончага] мосини омбордан топишолмади. — А. Мухтор, Туғилиш

4. Мувофиқ, уйғун.

Ҳар томондан вит-вит, чиғи-чиғи деб сайраган қушларнинг турли қўшиқлари сойнинг нашасига мос бир музика ҳосил қилган. — П. Турсун, Ўқитувчи

Кўкраклар оёқларнинг оҳангдош учишига мос диркиллайди. — Ойбек, Қуёш қораймас

5. Бир турдаги (ўйин қартаси ҳақида).

Қарта мос келди. Мос тушдингиз.

от Дуккакдошлар оиласига мансуб, бир йиллик дуккакли экин ва унинг овқатга ишлатиладиган, пўсти сабзаранг, ичи оқ дони.

Ёʻлнинг бир ёғи мош, ловия экилган дала. — М. Маҳмудов, Мангу куй излаб

Мошни териб, ювиб, совуқ сувли идишга солиб, суст оловда қайнатасиз. — К. Маҳмудов, Ўзбек тансиқ таомлари

от Мос ҳолат, мос эканлик.

Уларнинг ўқувчиларга айтган сўзларида мослик, бир хиллик бўлиши керак. — М. Юсупов, Телевизор ёнида

Уларнинг қонунларнинг ҳуқуқий жиҳатдан етуклиги, умум қабул қилинган талаблар ҳамда қоидаларга мослиги юксак баҳоланди. — Газетадан

Бутунлай маҳрум бўлган, жудо бўлган, айрилган.

У ҳамма нарсадан мосуво.

Уйдан жудо, ердан мосуво — М. Али

от Мош ва қовоқ солиб ёки мош билан жўхори уни солиб тайёрланадиган суюқ таом.

Эрталаб бир ҳовуч мошни бир кафт оқ жўхорининг уни билан бир қозон сувга солиб қайнатиб, унинг номини мошова қўйиб, ҳар қайсилари бир косадан ичардилар. — С. Айний, Эсдаликлар

от Бирор нарсани бажариш учун хизмат қилувчи нарса, асбоб ва шу кабилар

Корхона мутахассислари ишлаб чиққан махсус мослама сехлар ҳавосини филтрлаб беради. — Фан ва турмуш

Ёлғиз култиваторга қўшимча ўрнатилган ер юмшатувчи ғилдиракли мосламани ясаш қанчалар оғир бўлди. — Ўзбекистон қўриқлари

Лағмон учун угра гидравлик пресс асосида яратилган мосламада кесилмоқда. — Газетадан