fl. 1. Oldindan oʻylab, koʻzlab qoʻymoq, belgilamoq, rejalashtirmoq.
Bir yilning ichida Ehson moʻljallaganidan ziyoda bilimga ega boʻladi. — A. Qahhor, Sarob
Avaz koʻpdan beri., bu zabun, mehnatkash toʻda xususida bir shʼeʼr yozishni moʻljal-lab qoʻygan edi. — S. Siyoyev, Yorugʻlik.
2. Biror maqsad uchun koʻzlamoq, muvofiq topmoq, belgilamoq.
[Sodiq] Oʻzini yashirish uchun qutidorning yoʻlagini moʻljallagan edi. A. — Qodiriy, Oʻtgan kunlar
Direktor., birinchi navbatda bu yil urugʻ ekiladigan yerlarni moʻljallashi kerak edi. — Oʻzbekiston qoʻriqlari
Madxoliqning buvisini sizga moʻljallab qoʻyuvdik, bu ham vafot topibdi-da. Hamza, Maysaraning ishi.
3. Chamalamoq, taxmin qilmoq.
Bogʻning sahnini Salim uch yarim tanob, Fazliddin uch tanob moʻljalladi. — Oybek, Tanlangan asarlar
4. Nishonga olmoq, poylamoq.
Oqilxon toʻra Boʻtaboyni moʻljallab otgan oʻq Tillabuvaga tekkan ekan. — A. Qahhor, Qoʻshchi-nor chiroqlari
Ahmad tanbal boʻynini moʻljallab urgan qilich Boburning yoy-oʻqlari solingan sadogʻiga tegib, uni shartta kesib tushdi. — P. Qodirov, Yulduzli tunlar