ot 1. din. Islomda diniy huquq tizimlari va yoʻnalishlari; umuman, anʼanaviy diniy huquq doirasidan chiqmagani holda, shariat masalalarida yengilroq yoki qattiqroq hukm chiqarishlari bilan bir-biridan farqlanuvchi yoʻnalishlar, oqimlar.
Islomning shia mazhabi.
— Ilgari bilish kerak.— dedi Xatib domla. — Siz imomi Aʼzam Abu Hanifa mazhablaridamisiz? Yoki imomi Molik? — A. Qodiriy, Obid ketmon
2. koʻchma Rasm, odat; yoʻl.
Ishq mazhabida kufr erur jahl ila taqvo. — Hamza, Tanlangan asarlar
3. koʻchma siyos. Oʻz qarashlari va aqidalari bilan boshqalardan ajralib qolgan guruh.