Qidiruv

sft. 1. Buzilish, uzilish, qulash va shu kabilar jihatdan chidamli; pishiq-puxta, mahkam.

Mustahkam imorat. Mustahkam poydevor.

Andijon qalʼasi mustahkam. Bobur mirzo u yerda boʻlsa, qalʼa yanada mustahkam boʻlur. — P. Qodirov, Yulduzli tunlar

Mustahkam temir ustunlarga tortilgan poʻlat arqon kuchli motorlar yordamida bir maromda harakatga kelib turibdi. — Gazetadan

2. koʻchma Oʻz xususiyati, mohiyati va shu kabilar jihatdan oʻzgarishga, buzilishga, aynishga chidamli; barqaror, aynimas.

Mustahkam intizom. Mustahkam doʻstlik. Mustahkam aloqa. Mustahkam iroda,

Asabi temirdan va ruhiyati nihoyatda mustahkam kishilardan akvanavtlar tayyorlanadi. — Fan va turmush

Imoniga, diniga mustahkam, pokiza odam bor joydan ajina yuz chaqirim nariga qocharmish. — S. Ahmad, Hukm

ot Mustahkam holat, mustahkam boʻlish.

Imoratning mustahkamligi. Doʻstlikning mustahkamligi.

Yigit oʻz sevgisining mustahkamligiga ishonchi komil emasdek qoʻrquvda edi. — A. Muxtor, Chinor

n strengthening, fortifying

• mamlakatning mudofaa kuchini mustahkamlash strengthening the defensive might of the country

fl. 1. Mustahkam qilmoq, mahkamlamoq.

Eshikni mustahkamlamoq.

Shuning uchun nemislar bu rayonni qariyb ikki yil davomida tinmay mustahkamlagan edi. — A. Qahhor, Oltin yulduz.

2. koʻchma Barqaror qilmoq, jipslashtirmoq.

Istiqlolimizni saqlab qolish va mustahkamlash uchun kurash—muttasil davom etadigan oʻta masʼuliyatli va murakkab jarayon. — Gazetadan

Komplekslar, fermerlarni malakali kadrlar bilan mustahkamlash choralarini koʻrish kerak. — Gazetadan

3. Puxtalamoq, puxta oʻzlashtirib olmoq.

Oʻtilgan darsni mustahkamlamoq.

Har narsani gapiravermang, hunaringizni mustahkamlang, uquvli boʻling. — T. Obidov, Yusufjon qiziq

n self-strengthening

fl. Mustahkamlamoq feʼlining majhul nisbati.