Поиск

ot 1. Kishilar bilan munosabat, soʻzlashuv, shunday munosabat yoʻsini.

Yaxshi muomala. Dagʻal muomala. Muomalasi yomon odam,

Domla mashgʻulot vaqtlarida birovlarga koʻproq diqqat berib, birovlarning koʻnglini uncha-muncha oʻksitsa ham, muomalada dagʻal emas edi. — P. Tursun, Oʻqituvchi

[Oʻzbek oyim] Tevarakdan margʻilonlik kelinni koʻrish uchun keluvchi xotinlarga muomalani yana ham yuqoriroqdan turib qila boshladi. — A. Qodiriy, Oʻtgan kunlar

2. Ish, xizmat bilan bogʻliq boʻlgan aloqa.

U bilan toʻgʻridan-toʻgʻri muomalada boʻlmaydiganlar uni “raykom”, raykom Mavlonov deb atasalar, yaqinroq va koʻproq muomalada boʻladiganlar oʻrtoq Mavlonov deb atar edilar. — P. Tursun, Oʻqituvchi

3. iqt. Mehnat mahsulotlarini oldi-sotdi vositasida ayirboshlash (tovar xoʻjaligi uchun xos).

sft. 1. Muomalasi yaxshi; xushmuomala.

Muomalali odam.

2. Oʻzi birikib kelgan soʻz (aniqlovchi) anglatgan maʼnodagi muomalaga egalikni bildiradi.

Yaxshi muomalali odam. Dagʻal muomalali odam.

ot Soʻroq yoki murojaatga yarasha javob.

Abdusamadqori ertadan kechgacha idorada oʻtirar, ish bilan kelgan kolxozchilarga koʻpincha rais nomidan javob-muomala qilar edi. — A. Qahhor, Qoʻshchinor chiroqlari

sft. 1. Muomalasi, gap-soʻzlari, xatti-harakati yoqimli; xushfeʼl.

Haqiqatdan ham Laʼlining bunchalik xushmuomala yigitni birinchi bor koʻrishi, gap bilan elitib qoʻyadi-ya! — D. Nuriy, Osmon ustuni

Boshliqning xushmuomala, madaniyatli boʻlgani yaxshi — F. Musajonov, Himmat

2. ot vzf. Odob bilan yoqimli muomala qilish; xushfeʼllik.

Anvar har kim uchun sevimli va xushmuomalasi barchaga baravar edi. — A. Qodiriy, Mehrobdan chayon

ot Birovga yaxshi muomalada boʻlish.

Rixsivoy akaning xushmuomalalik odati hamsuhbatiga qattiq gapirishga imkon bermadi. — R. Fayziy, Choʻlga bahor keldi