Поиск

ot 1. ad. Oʻzbek mumtoz adabiyotida sheʼriy janr, poetik sanʼat turi. Unda biror soʻz, ism (yoki ularning bosh harflari), sana va boshqalar yashirib beriladi.

Navoiy muammolari. [Otam] Muammo, abjad hisobi va baʼzi voqealarni bilishga bogʻliq boʻlgan sheʼrlarni koʻp bilardi. — S. Ayniy, Esdaliklar

2. Tushunib boʻlmaydigan, jumboqli narsa; jumboq.

Kumushning zaharli muammo maktubi bir sira Otabekning koʻz oʻngidan oʻtib ketdi. — A. Qodiriy, Oʻtgan kunlar

Ha, ogʻayni, dunyoda anglashilishi qiyin boʻlgan muammolardan hech birini sevgiga tenglashtirib boʻlmaydi. S. Karomatov, Oltin qum.

3. Hal qilinishi lozim boʻlgan narsa; masala, problema.

Asarda katta muammolar koʻtarilgan. Suv chiqarish muammosi hal boʻlib, texnikadan yaxshi yordam koʻrsatilsa, biz mehnatdan charchamaymiz. — F. Nurullayev, Boʻz yigit

Demak, Orol muammosi davlat ahamiyatiga ega boʻlgan muhim vazifa boʻlib qolmoqda. — Fan va turmush

ot 1. Havoda, biror narsaga tegmay, osilmay turib qolgan.

Hozirgina don ortib oʻtgan mashina orqasidan koʻtarilgan chang havoda muallaq turib qoldi. — S. Ahmad, Qadrdon dalalar

Bir bechora soʻfiturgʻay, tabiat kashf etgan oʻxshashliklarning farqiga yetmayotganday, havoda muallaq turib vijirlaydi. — N. Fozilov, Oqim

2. Na u yoqli, na bu yoqli boʻlmagan, arosat holda(gi); arosat.

Bu hammasi hayotning eng nozik, eng muhim tomonlari edi va hammasi muallaq bir ahvolda yotardi. — P. Qodirov, Uch ildiz.

U qayoqqa yon bosishni bilmay, qoq oʻrtada muallaq boʻlib qoldi. — A. Ubaydullayev, Hayot oqimi.

ot kt. Biror asar, loyiha, kashfiyot va shu kabilarni yaratgan shaxs. Roman muallifi.

Artist tanlashda ham film mualliflari tomoshabin koʻnglini topishgan. — T. Toʻla, Oʻtgan kunlar haqida.

eng istiqbolli loyiha mualliflari deb topilganlar ichida Akbar Qodirov ham bor. — J. Abdullaxonov, Xonadon.

ot 1. Dars beruvchi kishi; oʻqituvchi, pedagog.

Matematika muallimi. Musiqa muallimi. Universitet muallimi. mi

Sinfga muallim boʻlib kiryapsizmi yo oʻrta asrlar tarixi uchun koʻrgazmali qurol boʻlibmi? — S. Siyoyev, Yorugʻlik

Fiqhdan taʼlim beruvchi muallimning maoshi 300 dirhamni tashkil etgan. — Fan va turmush

2. Taʼlim beruvchi, birovga biror narsa oʻrgatuvchi kishi; ustod, ustoz.

ot Tarix yozuvchi, tarixchi.

Bu yerda Navoiyning shaxsiyatini xarakterlovchi bir nuqtani muarrixlar qayd qilib oʻtadilar. — Oybek, Navoiy

Zaʼfaron varaqqa koʻz purin toʻkib, Yodga ham olarsiz biz — muarrixni. — B. Boyqobilov.

Muarrix al-Maqdisiy sizga Xorazmdan olib chiqilayotgan mollar roʻyxatini qoldirgan. — Fan va turmush

ot Taʼsis etuvchi, asos soluvchi.

Bu gazetaga kim muharrirlik qilarkan? Muassisi kim ekan? Oʻzi qancha chiqarkan? — Gazetadan