Қидирув

от 1. Ҳайвон ёки ўсимлик маҳсулоти бўлган ёғсимон модда, асосан, юқори ёғ кислоталарнинг мураккаб эфирлари ва юқори молекуляр спиртлардан иборат.

2. Асалари ўзи ишлаб чиқариб, ўзига уя қурадиган сақичсимон юмшоқ модда; ўсимлик ёки ҳайвондан олинадиган шунга ўхшаш моддалар.

Ўсимлик муми. Сунъий мум.

Асаларилар асал, мум, елимдан ташқари, ўз организмида заҳар ҳам ишлаб чиқаради. — Фан ва турмуш

Шариат Ғиёс дўзахиларга ўхшаганлар қўлида ҳар қанақа шаклга кираверадиган юмшоқ мум. — М. Исмоилий, Фарғона тонг отгунча

Мум шамли қандилдай қуруқ лаблари, Бир қатор қиз кетар, елкада обкаш. — Ғ. Ғулом

от 1. Сувнинг нол даражагача совиши натижасида қотган ҳолати; ях.

Муз парчаси. Муз ёрмоқ.

Қаҳратон қишда яланг оёқ муз босиб, саратонда қизғин қум кечиб обдан пишган бизнинг йигитни ҳам кун хийла бетоқат қилган эди. — Ойбек, Танланган асарлар

Уфққа туташ муз қатламларини тилимлаб, атом музёрар кемаси сузиб бораётир. — Газетадан

2. Муз каби совуқ.

Унинг бошига муз югуриб, асаблари тиришди. — Ғулом, Машъал

Ёʻлчи қотган корни ғарч-ғурч босиб, тоза, муз ҳавони қамраб, кеза бошлади. — Ойбек, Танланган асарлар

3. кўчма с. т. Жуда совуқ, ёқимсиз нарса, одам ва шу кабилар ҳақида.

Суҳбат муз бўлиб кетди. Меҳмонлар ичкиликка зўр беришди. — С. Аҳмад, Гугурт

4. от Совуқ.

элликка яқин киши беш-ўнтадан навбат билан кириб-чиққунча, оёғимдан муз ўтиб кетди. — Ў. Ҳошимов, Қалбингга қулоқ сол

от эск. кт. Текин, бепул.

[Худоёрхон] Мамлакатни обод қилиш баҳонаси билан 1824-йилда Қўқон косибларини ҳақсиз — муфт ишлатиб, янги раста қурдирди. — А. Қодирий, Меҳробдан чаён

от 1. Юридик ёки жисмоний шахснинг номи тўлиқ ёзилган матннинг (матн ва расмнинг) қавариқ ёки ботиқ тасвири бўлган босма шакл (асбоб) (Қоғоз, сургич, мум ва бошқалар материалларга нусха тушириш учун хизмат қилади).

Мана, нома тайёр. Фақат муҳрингизни боссангиз бас. Уйғун ва И. — Султон, Алишер Навоий

— Мулла Шарофиддиннинг муҳри бор бу васиқаларда. Муллажон қозининг муҳри бор! — деди [кампир] васиқаларни титкилаб. — А.Қаҳҳор, Қўшчинор чироқлари

2. Тамға; герб.

Бир ерда учта пул ётипти: иккитаси сийқа-сийқа бўлиб кетган, биттасининг муҳри ёʻқ. — Эртаклар

от 1. Ихтиёрдаги, қўлдаги бор мол-дунё, ер-сув, иморат ва бошқалар бойликлар.

Жамоат мулки. Хусусий мулк. Шахсий мулк.

[Комилов Қодировга:] Давлат мулкини, халқ мулкини кўз қорачиғидай сақлашимиз керак. Уйғун, — Навбаҳор

Мадамин отасидан қолган молига мол, мулкига мулк қўшди. — П. Турсун, Ўқитувчи

2. кўчма Бойлик.

Ойбекнинг қаламига мансуб асарлар аллақачон қардош халқларнинг маънавий мулкига айланган. — Газетадан

Республика кенгаши қишлоқларни қайта қуришда тўпланган бой тажрибаларни ҳамманинг мулкига айлантириш ҳақида астойдил ғамхўрлик қилмоқда. — Ўзбекистон қўриқлари

Ўз аҳамиятини ёʻқотмайдиган асарлар умумсанъат мулки, халқлар мулки бўлиб қолди. — Н. Сафаров, Оловли излар

3. эск. кт. Жой, мамлакат каби маъноли сўз билан бирикиб, шу сўз англатган жой, мамлакат, вилоят маъносини билдиради.

Подшоҳ ҳазратлари, мулки Хуросоннинг тақдири ва ҳаёти сизнинг қўлингиздадир. — Ойбек, Навоий

Ёʻқ жаҳон мулкида биздек ожиз-у бечора халқ. — Аваз

4. кўчма Баъзи сўзлар билан бирикиб, шу сўз англатган нарсага тегишлиликни билдиради.

Бу кишининг сеҳрли бўёқларидан чиқаётган суратлар гўзаллик мулки. — С. Кароматов, Сўнгги бархан

Ҳусн мулкида киши танҳо бўларми мунча ҳам? — Муқимий