«МОЯ» бўйича 31 та натижа: Изоҳли
от 1. Урғочи туя.
Бир қари нор пўпаклини кўрдингми? — Бизнинг элда қолган учта мояси. — Нигор ва Замон
2. кт. Бирор нарсанинг асосини ташкил қилган модда, асос бўлган нарса; ўзак; бирор гуруҳнинг, жамоанинг асосини ташкил қилган шахслар.
У [Абдураҳмон] кутган асосий моялар, яъни мударрис, пешволар зиёратчилар орасида кўз оғриғи учун ҳам кўринмадилар. — А. Қодирий, Меҳробдан чаён.
от 1. Товуқнинг тухум қилиши керак бўлган ерга қўйиладиган тухум ёки тухумга ўхшаш нарса.
[Фотима:] Келинпошша, товуқларингизга мояк қўйдингизми? — А. Қаҳҳор, Оғриқ тишлар
2. шв. Тухум.
Бир гуруҳ бола мояк уриштиряпти. — Т. Мурод, От кишнаган оқшом
3. Эркакларнинг ёрғоқ ичида жойлашган бир жуфт жинсий бези; уруғдон (сперматозоид ва эркаклар жинсий гормони ишлаб чиқаради).
от с. т. Маош.
Бир ойлик мояна. Мояна олмоқ. Мояна тўламоқ.
сфт. Мояна берадиган, мояна тўлайдиган.
Қани энди мен ҳам сиз қатори моянали бир ишга кирсам. — М. Осим, Тилсиз гувоҳ
от кам қўлл. Фақат мояна, ойлик билан ҳаёт кечирувчи.
от 1. Ҳаёт, иш-фаолиятда бўладиган ёрдам, қўллаб-қўлтиқлаш; ҳомийлик, паноҳ.
Подшоҳ ҳазратлари мени сизнинг ҳимоянгизга топширган эдилар! Агар босқинчиларни топиб жазо бермасангиз, мен подшоҳ ҳазратларининг ҳузурларига паноҳ истаб кетишга мажбурмен! — П. Қодиров, Юлдузли тунлар
У ҳазратнинг укалари Бойсунқур мирзо отамларни ва устоз Қавомни ўз ҳимояларига олганлар. — Мирмуҳсин, Меъмор
У Бобурнинг отаси ўрнига ҳукмдор бўлганини эшитиб, ундан ҳимоя сўраш ниятида аркка борган эди. — П. Қодиров, Юлдузли тунлар
2. Хавф-хатар, ҳужум кабилардан сақлаш, қўриқлаш иши; муҳофаза, мудофаа.
Ҳар куни бирор уйдан кимдир хайрлашгани кирарди. Қишлоқнинг сара йигитлари армияга — Ватан ҳимоясига кетдилар. — И. Рахим, Чин муҳаббат
Ҳимояда ётган одамларга тунги ҳужум ва шовқин-сурон оғир таъсир қилишини Шайбонийхон яхши билар эди. — П. Қодиров, Юлдузли тунлар
3. Умуман, бирор хавфли, зарарли нарса-ҳодисадан сақлаш, сақланиш иши.
Реактор сув қатлами, темир ҳалқа ва бетон девордан ташкил топган кучли ҳимоя воситаси билан ўралган. — Фан ва турмуш
Механизатор кабинадан тушиб, ҳимоя тўсиқларини яна бир карра текшириб кўрди-да, рулга ўтирди. — Газетадан
4. спрт. Футбол, волейбол каби ўйинларда команданинг рақиб томон ҳужумини қайтариш вазифасини бажарувчи қисми.
Бу ўйин команданинг ҳимоясида етарли муаммолар борлигини кўрсатди.
Бундай команда билан ҳимояда туриб ўйнаш ҳазилми? Бирор хатога ёʻл қўйдинг — балога қоласан. — Р. Азизхўжаев, Яшил чайла
5. ҳуқ. Судланувчи тарафини олиб қилинадиган хатти-ҳаракат, айтиладиган фикр-мулоҳаза; оқловчи томон.
6. Илмий кенгаш ёки махсус комиссия муҳокамасига тақдим этилган ишда (диссертация, лойиҳа ва шу кабиларда) олға сурилган қарашлар, фикр-мулоҳазаларнинг эътироф этилиши ва тегишли илмий даража ёки унвонни олишга ҳаракат қилиш иши.
Лойиҳани ҳимояга қўймоқ.
Пошша холанинг кўнгли жойига тушди. Куёвининг кандидатлик ҳимояси куни олдинги қаторда савлат тўкиб ўтирди. — Д. Нурий, Осмон устуни
Қаҳратон қишда бўри олмахоннинг уйига киришга ҳаракат қилади. Аммо ақлли олмахон уни алдаб, ўзини ҳимоя қилиш учун айёрона режа тузади.
Камбағал чол-кампирнинг арпа экиши ва чолнинг вафотидан сўнг, кампирнинг арпасини эчки еб қўйиши билан бошланадиган ушбу эртакда, кампирнинг арпасини
Доро подшо туҳмат туфайли ҳомиладор хотинини ҳайдаб юборади. Аёл ўғил туғиб, уни Искандарбек деб атайди ва тақдирга ташлаб кетади. Искандарбек турли қийи
Бир эчки болалари билан тинч яшар эди, аммо оч бўри уларнинг ҳаётига хавф солади. Она эчки болаларини ҳимоя қилиш ва ёвуз бўридан ўч олиш учун а
Қаҳрамон исмли йигит ўз шаҳри ва бошқа мамлакатларни ёвуз девлардан ҳимоя қилади. У қийинчиликларга қарамай, мардлик ва жасорат кўрсатиб, халқни зулмдан
Шаҳзода Асад амакисининг ҳийласи туфайли тахтдан маҳрум бўлиб, сургун қилинади. У саргузаштлар давомида маликани қутқариб, ўзининг мардлиги ва адолатпарварл
