Qidiruv

ot 1. Yuqori labning ustini qoplagan moʻylar, murt.

Abdishukur qisqa moʻylovining ikki uchini ingichka burab, burnining kataklariga yetkizgan oʻttiz besh yoshli oriqqina kishi. — Oybek, Tanlangan asarlar

2. s. t. Moʻylov qoʻygan, moʻylovi bor (shaxs).

Oʻrtada chordana qurib oʻtirgan moʻylov — Roʻzi polvon. — T. Murod, Qoʻshiq

— Ha-ya, — dedi Toʻqsonov, hamon derazadan moʻralagan holda va yana soʻradi: — Haligi moʻylovingiz koʻrinmay qoldi. — P. Tursun, Oʻqituvchi

3. Baʼzi hayvonlarning ustki labi ikki chekkasidan oʻsib chiqqan, sezish uchun xizmat qiladigan moʻylari.

Mushuk moʻylovi.

4. Baʼzi hasharotlarning boshidagi hid bilish va sezish qobiliyatiga ega boʻlgan tuklari.

Chumoli moʻylovi.

sft. Moʻylovi bor, moʻylov qoʻygan.

Tushga yaqin moʻylovli bir yigit Zaynabni chaqirib, ichkariga olib kirib ketdi. — Mirmuhsin, Chodrali ayol

ot Uzun yoki qalin moʻylovi boʻlgan.

Soqchi moʻylovdor, devdek gavdali, badbashara bir yigit ekan. — X. Toʻxtaboyev, Yillar va yoʻllar

sft. Moylovi qalin.

sft. Moʻylovi chiroyli, moʻylovi oʻziga yarashgan.

Yigitlar kulumsirab, oʻrtadagi dumaloq yuzli, xushmoʻylov yigitga ishora qilishdi. — X. Sultonov, Onamning yurti

Oʻrtadagi soʻrida oʻtirgan baland boʻyli xushmoʻylov yigit soʻrini qasir-qusur qilib, oʻzini pastga otdi. — S. Ahmad, Hukm