Izohli lugʻat
· yana 5 ta lugʻatda
ot 1. Tana tuzilishi va qiyofasi odamga oʻxshash, sutemizuvchilarning yuksak rivojlangan turkumiga mansub hayvon.
Odamsimon maymun.
Eshon oyimning yuzi maymunning yuziga oʻxshagan tirish, badburush ekan. — M. Ismoiliy, Fargʻona tong otguncha.
2. koʻchma s. t. Badbashara yoki serpardoz odam haqida.
3. Muchal yil hisobida toʻqqizinchi yil nomi.
Uning yili maymun.
- Maymun yili Muchal yil hisobida toʻqqizinchi yil.
- Holiga maymunlar yigʻlaydi Juda ayanch, ogʻir ahvolga tushdi. Oʻgʻlingni Mirzakarim akaning ilgarigi toshkentlik kuyovi oʻldirdi, men oʻz koʻzim bilan koʻrdim, deyman. Ana undan soʻng xumsaning holiga maymunlar yigʻlasin. — A.Qodiriy, Oʻtgan kunlar