Qidiruv

sft. 1. Masʼuliyat yuklatilgan, javobgarligi zimmasida boʻlgan; javobgar.

Masʼul xodim. Masʼul muharrir.

Bir insonning taqdiri hal boʻlayotgan paytda masʼul odam oʻz xayoliga gʻarq boʻlib oʻtirsa. — H. Olimjonov, Taqdir taqozosi

2. Masʼuliyati bor, masʼuliyatli.

Bilmaski, koʻp masʼul xizmat insonlik. Yaxshilik qilmaslik oʻzi yomonlik. — M. Shayxzoda

Abduqodir ota pensioner, ikki oʻgʻli juda masʼul ishda ishlaydi. — Mirmuhsin, Supurgiga sajda

ot Biror ish, xatti-harakat oqibati, natijasi uchun boʻlgan javobgarlik.

Masʼuliyat yuklamoq. Masʼuliyatni oʻz ustiga olmoq. Masʼuliyat sezmoq. Masʼuliyatga tortmoq.

Xalq nomzodlari oʻzlarining intizomliligi, yuksak masʼuliyat hissi bilan ajralib turadi. — Gazetadan

a senior civil servant

sft. Masʼuliyati bor, masʼuliyat talab qiladigan.

Masʼuliyatli vazifa. Masʼuliyatli payt.

Masʼuliyatli topshiriq koʻpincha Nurmatov boʻlinmasiga topshirilar edi. — Nazarmat, Joʻrlar baland sayraydi

Ozuqa tayyorlovchilar uchun masʼuliyatli damlar boshlandi. — Gazetadan

sft. 1. Masʼuliyati yoʻq, masʼuliyat talab qilmaydigan.

Masʼuliyatsiz ish.

2. Masʼuliyatni, javobgarlikni sezmaydigan, ishga masʼuliyat bilan qaramaydigan; beparvo.

Masʼuliyatsiz kishi. Masʼuliyatsiz boʻlmoq.

editor-in-chief