Qidiruv

ot 1. kt. Oʻrin, joy.

2. Martaba, mavqe.

Oliy maqomga erishmoq.

Bu uchinchi oilaga koʻchishda Anvarni eng xursand qilgan narsa maktabdagi bolalarning ozor berishlaridan qutulishi va domlaning asrandi oʻgʻli maqomini olishi boʻldi. — A. Qodiriy, Mehrobdan chayon

3. huq. Saylab qoʻyiladigan shaxslar, fuqarolar, davlat idoralari, tashkilot, muassasa, xalqaro tashkilotlarning meʼyoriy hujjat bilan rasmiylashtirilgan huquqiy holati.

Taʼsis hujjatlari toʻla-toʻkis va nuqsonsiz boʻlsa, diniy tashkilot davlat roʻyxatiga olinib, yuridik shaxs maqomiga ega boʻladi va qonun doirasida faoliyat yurita boshlaydi. — Gazetadan

4. din. Tasavvufda har bir sufiy bosib oʻtishi lozim boʻlgan bosqichlardan biri yoki har biri (aksar manbalarda toʻrt maqom: shariat, tariqat, maʼrifat, haqiqat tilga olinadi).

ot Shashmaqomni biladigan, maqom kuylarini ijro etadigan sozanda, xonanda.

Oʻzbekiston radiosi huzurida maqomchilar ansambli tashkil topganiga koʻp vaqt boʻlgani yoʻq. — Gazetadan.

sft. Yuqori darajali, yuksak.

Oshnoga oshno boʻlsam, oliymaqom ragʻbatlar olsam, men oʻzimning ham Yaxshiboyevga aylanishim muqarrar boʻlib tuyuladi. M. — M. Doʻst, Lolazor

s. t. Qoyil qolsa arzirli, kishini qoyil qoldiradigan; ajoyib.

Qoyilmaqom ish. Qoyilmaqom raqs. Qoyilmaqom kiyim.

Kiroyi brigadir boʻlsa, Komiljondaqa boʻlsin. Toʻrtinchi chopiqni ham muddatidan oldin qoyilmaqom qilvordi, deyishayotibdi. — Uygʻun, Hayot qoʻshigʻi

Suratda siz koʻrib turgan bolakay Ogʻabekning qoʻshiqlarini yoddan qoyilmaqom qilib ijro etadi. — Gazetadan

ot mus. Oʻzbek va tojik xalqlari musiqiy merosida markaziy oʻrin tutgan maqomlar turkumi; parda, ohang, usul, shakl, uslub kabi vositalar bilan oʻzaro uzviy bogʻlangan, Buzruk, Navo, Dugoh, Segoh. Rost, Iroq maqomlaridan tashkil topgan mumtoz kuy va ashulalar majmui.

Klassik musiqamiz merosi — shashmaqomni toʻla gramplastinkaga yozib olish, shubhasiz, gʻoyat murakkab ish. — S. Karomatov, Klassik merosimiz — xalqqa

Yusufjon qiziq shashmaqomlarni, yaʼni yilning toʻrt fasliga moslangan poemalarni ham yaxshi bilardi. — T. Obidov, Yusufjon qiziq