Қидирув

от 1. Кундалик тирикчилик, яшаш.

[ Бой:] Мендан қолган давлат сизларнинг маишатингиз учун кифоя қилмайди. — Эртаклар

Отам ўлиб, маишатим тангликда қолди. — Ғ. Ғулом, Тирилган мурда

2. с. т. Кайф-сафо, айш-ишрат.

Ҳожи-хонни айш-ишратлар, шоҳона маишатлар чарчатди. — М. Исмоилий, Фарғона тонг отгунча

Ҳалол меҳнат билан қилган маишат нораво бўлмас. — Ҳабибий

от Маишатга, айш-ишратга берилган, доим маишат билан машғул одам.

теракзорда талтайиб ётган маишатбозларни кўриш унга оғир эди. — Ҳ. Ғулом, Тошкентликлар

от Маишат қилинадиган жой, хона.

Райкомнинг маишатхонасида тонготар базм қилиб ўтирдинг — индамадим — С. Сиёев, Отлиқ аёл

от Маишат қилиш, айш-ишрат.

Ишчилар кооперативига жойлашиб олган Норқулов ва Ҳайдаровлар доим маишатбозлик билан шуғулланганлар. — Газетадан

сфт. Маишатга берилган, маишатни яхши кўрадиган одам.

Бу бойнинг икки ўғли бўлиб, каттаси маишатпараст экан. — Шукрулло, Жавоҳирлар сандиғи

от Маишатга берилиш, доим маишатда бўлишлик, маишатни яхши кўриш.

Кайф-сафо, маишатпарастлик аждаҳо каби ўз комига тортади. — Р. Усмонов, Одобнома