Қидирув

от 1. Иш, фаолият, меҳнат самараси, меваси.

Ижодий меҳнатнинг маҳсули.

У кўтаринки кайфиятда эди, кечаги, бугунги иш маҳсулидан хурсанд. — М. Хайруллаев, Кўнгил

2. айн. Маҳсулот.

Оғир саноат маҳсули.

Пахта бизнинг ғалабамизни белгилаб берувчи асосий маҳсулимиздир. — Газетадан

3. Ҳосил, унум.

Ер ҳам тирик жон. Инсондек нафас олади, озиқланади, ниҳоят, маҳсул беради. — С. Кароматов, Сўнгги бархан

Деҳқон осмонга қараб, яхши ҳаводан қувонса, ерга қараб, мўл маҳсулидан суюнади. — М. Исмоилий, Фарғона тонг отгунча.

4. кўчма Бирор нарсадан юзага келган нарса; натижа.

Йигиталининг рангига бир оз заҳиллик урибди. Бу муттасил давом этиб келаётган уйқусизлик, ададсиз изтиробларнинг маҳсули, албатта. — Д. Нурий, Осмон устуни

Хулоса шу: эҳтирос ёʻқ, бу эзмалик, бепарволик маҳсули. — Муштум

сфт. кам қўлл. айн. Маҳсулдор.

от Ишлаб чиқарилган нарса; маҳсул (лар).

Ялпи маҳсулот. Чорвачилик маҳсулотлари. Саноат маҳсулоти.

Бўёқ олиш учун нефт чиқиндилари ва тошкўмирни кокслашдан олинган маҳсулотлар асосий хомашё ҳисобланади. — Фан ва турмуш

сфт. Кўп, яхши маҳсул берадиган; сермаҳсул, серунум.

Маҳсулдор ер. Маҳсулдор қора моллар.

Ўзбекистонда яқин вақтларгача асосан пахта етиштириларди. Унинг ёнига энг маҳсулдор экин — буғдой қўшилди. — Газетадан

от Маҳсул (ҳосил) бериш даражаси, имконияти.

Бу сессияларда чорвачиликнинг маҳсулдорлигини ошириш масалалари муҳокама қилинган. — Муштум

Хўжалик маҳсулдорлигини оширишнинг омиллари хилма-хилдир. — ЎТА

Ассортимент продукции