Qidiruv

ot kt. ayn. Madhiya 1.

Tilimda madh-u dilimda muhabbat-u mehring. — Habibiy

Bobo savat koʻtarib, bogʻiga kirib ketishi bilan, xotinlar boʻlgʻusi kelinning madhini boshladilar. — H. Gʻulom, Toshkentliklar

ot Dalda boʻluvchi moddiy yoki maʼnaviy yordam.

Madad bermoq. Ha degan — tuyaga madad. — Maqol

Jumanning shu yerda oʻtirishi unga [Adolatga] juda katta madad. — A. Muxtor, Tugʻilish

Gʻulomjonning toʻkilib turgan yuragiga qiz iltifoti madad berdi. — M. Ismoiliy, Fargʻona tong otguncha

Madad soʻraganda — chorasiz jahon, Siz Toshkent bagʻridan uzatgansiz qoʻl. — A. Oripov

ot 1. esk. Ayn. mineral I, II.

Nodir maʼdanlar.

Sut maʼdan moddalarga ham boy masalliq boʻlib, tarkibida kaliy, fosfat va boshqalar bor. — K. Mahmudov, Oʻzbek tansiq taomlari

2. ayn. Metall.

Jilo berar maʼdanga zoʻr usta tokar — Gʻayratiy

3. ayn. Ruda.

Bir olim togʻ qazib, maʼdanlar izlar, Biri tilsim ochib, yerdan topar kon. — S. Abdulla

ot 1. ayn. Yiring.

Mulla Mahmud ezilgan joylari madda olib, maddadan butun borligʻiga isitma tarqab yotarkan boʻlayotgan voqealar xuddi tushida boʻlayotgandek tuyulayotgandi. — X. Toʻxtaboyev, Yillar va yoʻllar

2. koʻchma. Yurakdagi gʻubor.

ot Kishining kuch-quvvati; majol.

Ochlik va horgʻinlikdan [Bektemirning] hatto soʻzlashga ham madori yoʻq edi. — Oybek, Quyosh qoraymas

ot 1. esk. Eshik zulfiniga tiqib qoʻyiladigan katta yogʻoch; yogʻoch kalit (tut, qayragʻoch kabi qattiq yogʻochlardan qilinadi).

Tol yogʻoch madang boʻlmas, begona dadang boʻlmas. — Maqol

2. Qari tok zangi.

Yorliqlarni qattiq sim bilan yosh zang va madanglarga bogʻlash kerak. — R. Musamuhamedov, Moʻl hosil yetishtirishdagi tajribalarim