Қидирув

от 1. бот. Лоладошлар оиласига мансуб, йирик, чиройли гулли кўп йиллик ўсимлик; манзарали экма гул ва унинг қизил, сариқ ёки тарғил гули.

Лола сайли.

Тоғда очилиб лола, ер сабза баҳор ўлса. — Фурқат

Гуллар орасида лолалар қадди-қоматини кўз-кўз қилиб тебранади. — Ўзбекистон қўриқлари

Лола тердик даста-даста, кеч билан қайтдик шаҳар-Ёʻлда бир-бир тарқатиб Эркин муҳаббат хайлига. — Э. Воҳидов, Муҳаббат

2. кўчма поет. Лола рангли, қизил, қирмизи.

Очилмоқ истаркан лола дудоқлар, Жавдираб кўзларинг нечун ўйноқлар. — Уйғун

Лола янглиғ оразингни мен кўриб тасвирда, Мубтало бўлмоқлиғим ёзмиш экан тақдирда. — Ҳамза

3. Лола (хотин-қизлар исми).

от айн. Лола 1.

от поет. айн. Лоларанг.

Шеър-у соз завқидан чеҳрам лолагун. — Ҳ. Ғулом

от Лоласи кўп, лола очилиб ётган жой.

Эй тан, бас айла ғамни, қиш ўца, баҳор ўлур, Саҳро юзи бинафша билан лолазор ўлур. — Оразий.

Уфқдаги шафақ мана шу лолазорнинг осмон кўзгусидаги аксими ё ер кўзгусидаги бу қирмизи ранг ботаётган қуёш шафағининг аксими? — К. Яшин, Ҳамза

сфт. Лола рангидаги, қизил, қирмизи.

Хўжабеков пиёлага лоларанг вино қуйиб, жувонга тутди. — С. Анорбоев, Оқсой

[Бектемир] Соф, лоларанг ёлқинга термилиб узоқ ўйлади. — Ойбек, Қуёш қораймас.

от Кўкнордошлар оиласига мансуб, баҳорда очиладиган, лоласимон гулли бир йиллик ёввойи ўт ва унинг гули.

Мол боқиб юрган болалар онда-сонда кўринган лолақизғалдоқ ва чучмомаларни ўзлариники қилишга талашиб юрардилар. — А. Қодирий, Обид кетмон