Поиск

Oʻzagi Unix operatsion tizimi asosida ishlangan tarmoq operatsion tizimi. Linux ilk bor 1991 yili Linus Torvalds tomonidan chiqarilgan. Linuxning muhim xususiyatlaridan biri – u bepul dasturiy taʼminot Fondi doirasida, GNU oshkora litsenziyasiga koʻra bepul tarqatiladi.

Linux jamgʻarmasi. Linuxni rivojlantirish boʻyicha notijorat konsorsium. Rasmiy ravishda 2007 yil 21 yanvarda Open Source Development Labs va Free Standards Groupning qoʻshilishidan tashkil topgan. Linux jamgʻarmasi Linuxni olgʻa suradi, himoyalaydi va standartlashtiradi, ochiq dasturiy taʼminot uyushmasiga resurslar va xizmatlar taklif qiladi. Linux jamgʻarmasi Linuxni ishlab chiqmaydi va mavjud Linux kompaniyalari bilan raqobatlashmaydi. U Linuxni rivojlantirishga hamda quyidagi sohalarga koʻproq eʼtibor beradi: - Linuxning asosiy dasturchilarini qoʻllab, Linuxni himoya qilish va yuridik xizmatlar koʻrsatish. Linux jamgʻarmasi “Linux” savdo markasiga egalik qiladi va intellektual mulkni yuridik himoya qiladi. - Linuxni standartlash va DT dasturchilar uchun platforma sifatida yaxshilash. Bu yoʻnalishda Linux Standard Base (LSB) va Linux Developer Network loyihalari ustida ish olib boradi. - Oʻzaro hamkorlik va rivojlantirish uchun neytral muhit bilan taʼminlash. Linux Foundation Linuxning neytral vakili sifatida xizmat qiladi va raqobatchilar agressiyasiga javob berishga masʼul. Shuningdek, Linux jamgʻarmasi texnik uyushma, qoʻllanmalar dasturchilari, sanoat buyurtmachilari va foydalanuvchilarga dolzarb masalalarni muhokama qilish uchun sharoit yaratib beradi.