Поиск

rvsh. 1. Oldinga, ilgari tomonga.

Olgʻa yurmoq.

Oʻzi pulemyotini sudrab, olgʻa emaklab ketdi. — A. Qahhor, Oltin kuz

2. Olgʻa bosmoq

3. 1) oldinga tomon yurmoq, ilgariga qarab siljimoq.

Xon yonida turgan xos navkar qilichini ushlab, beixtiyor bir qadam olgʻa bosdi. — S. Siyoyev, Avaz

4. 2) rivojlanmoq, ilgarilamoq.

Ish olgʻa bosmoqda.

5. und. s. Ilgari tomon siljishga, oldinga tomon yurishga chaqirish nidosi.

Qani, olgʻa, gʻalaba arslonlari! Qani, olgʻa, vatan qahramonlari! — H. Olimjon, Tanlangan asarlar

ot ayn. Bulduruq II.

tar. Ikki dehqon oʻrtasidagi qush hoʻkiz.

ot 1. Tanib olish, koʻrsatish yoki farqlashga xizmat qiluvchi narsa; nishon, alomat; tamgʻa.

Yoʻqolgan bolaning belgilari. Fabrika belgisi. Belgi qoʻymoq. Belgi solmoq.

Belgi boʻlsa, yoʻldan adashmas, Aql boʻlsa, soʻzdan adashmas. — Aql aqldan quvvat oladi

Yaxshi xotin belgisi — xirom qilar terini, Yomon xotin belgisi — yerga bukar erini. — Maqol

Insonlikning eng dastlabki belgisi mehnatsevarlikdir. — Gazetadan

2. Biror maʼno, mazmun yoki miqdor ifodalaydigan grafik alomat, ishora.

Soʻroq belgisi (tilshunoslik). Tenglik belgisi (matematika). Nota belgilari. Tinish belgilari (tilshunoslik)

Kirdi-yu, eshik oldida soʻroq belgisi boʻlib turaverdi. — Yoshlik

Olisda oq qovurgʻali ulkan kemalar koʻrinadi. Undan beriroqda cheklovchi belgilar — qizil bayroqchalar lipillab turibdi. — S. Siyoyev, Otliq ayol

3. Narsa, voqea-hodisalarning oʻziga xos xususiyati, sifati.

Buyumlarning sifat va xususiyatlari logikada belgilar deb ataladi. — Logika

Gapda otning biror belgisini bildirib, “qanday?“, “qanaqa?“, “kimning?“, “nimaning?“, nechanchi? kabi soʻroqlarga javob boʻlib kelgan ikkinchi darajali boʻlak aniqlovchi deb ataladi. — Oʻzbek tili darsligi

4. Ichki kechinma, holatdan, kasallikdan dalolat beruvchi tashqi alomat; ramz.

Sukut — rozilik belgisi. Maqol.

Baxt belgisi — bilim. — Maqol

Sodda muomala yaqinlik va mehribonlik belgisidir! — A. Qodiriy, Mehrobdan chayon

[Gulnorning] Dumaloq qora koʻzlarida yashiringan alam-hasrat belgisini Adolat darrov payqab oldi. — S. Zunnunova, Gulxan

Raʼno tabassum bilan javob berdi va unda bir oz qizarinish belgisi bor edi. — A. Qodiriy, Mehrobdan chayon

Erining bu jasoratiga qarshi Oftob oyimning yuziga rizosizlik belgisi chiqdi. — A. Qodiriy, Oʻtgan kunlar

Kasallikning [tepkining] asosiy belgilaridan biri quloq atrofi va jagʻ suyaklarining ogʻrishidir. — Saodat

ot 1. Mix qoqish, narsalarni urish, tekislash, egish yoki bukish kabi ishlarda qoʻllanadigan, yogʻoch yoki temir dastali asbob.

Ostonada munkayib oʻtirgan chol yonboshiga qoʻyib olgan paqirdan qiyshiq-qingʻir mixlarni olib, bolgʻa bilan toʻgʻrilardi. — S. Ahmad, Jimjitlik

Uning [Zamonning] bir qoʻlida mushuk kallasiday kaltasop bolgʻa, bir qoʻlida temir pona. — M. Ismoiliy, Fargʻona tong otguncha

2. tex. Metallarga, umuman narsalarga zarb bilan ishlov beradigan ogʻir mexanizm.

Bir qoziqning yerga kirishi qiyin boʻldi, motorni boshqarayotgan yigit bolgʻani ancha yuqoridan tashladi. — S. Yunusov, Kutilmagan xazina

ot 1. poet. Kuchli, qudratli toʻlqin, poʻrtana.

Umrdir gohida dolgʻali ummon. — A. Isroilov, Yugurik nur

Inson axir turdi, Inson emas, vijdon turdi. Tinmaysanmi, dolga, dolgʻa — T. Toʻla, Asarlar

2. koʻchma Turmush qiyinchiliklari, toʻsiqlar, gʻovlar; gʻalayon.

Insonni jamiyat orasida dolgʻalar, kurashlar, suronlar kutadi. Sharq yulduzi. Qalb shunday ummonki, uning bagʻrida Dahshatli dolgʻalar silsilasi bor. — E. Vohidov, Sadoqatnoma

Mana taxtda Husayn Boyqaro oʻtirur jim, fikrida dolgʻa. — Oybek, Guli va Navoiy