от 1. бот. Асосан жанубий мамлакатларда ўсадиган доимо яшил субтропик ўсимлик ва унинг тухумсимон сариқ нордон хушбўй меваси.
Лимон дарахти. Лимон солинган чой.
Ҳозир Ўрта Осиёнинг жанубий қисмларида шакарқамиш, лимон сингари мевалар етиштирилмоқда. — Фан ва турмуш
2. жарг. с.т. Миллион сўм (ушбу маъно “лимон” ва миллион сўзлари талаффузидаги ўхшашликка асосланган; дастлаб рубл учун қўлланган).
- Лимон кислотаси Лимон меваси ва бошқа баъзи ўсимликлар таркибида бўладиган кислота, жавҳарлиму (тиббиётда, озиқ-овқат саноатида ва бошқалар соҳаларда ишлатилади). .лимон кислотаси озиқ-овқат маҳсулотларини яхши сақлашга ёрдам беради. — Газетадан