фл. 1. Бир-бирини йиқитиш, ғолиб чиқиш учун маълум қоида бўйича олишмоқ, ўзаро беллашмоқ, кураш(га) тушмоқ.
Улар бир-бирларининг белбоғларидан маҳкам ушлаб, узоқ курашдилар.
Курашмай, қувватим қайдан биласан, Оғзинг билан шунча полвон бўласан. — Тоҳир ва Зуҳра
2. Спортнинг бирор тури бўйича беллашмоқ, мусобақалашмоқ.
Футбол командалари ўзаро астойдил курашмоқда. Эртага энг зўр шахматчилар курашадилар.
Сурон зўрайди, [тортишувчилар] яна туриб, ҳансираб, тортишувни давом эттирадилар. Куч синашда ҳар икки томон астойдил курашди. — Ойбек, Танланган асарлар
3. Бирор нарсага эришиш, бирор мақсадни рўёбга чиқариш учун ҳаракат қилмоқ, фаолият кўрсатмоқ.
Очилган қўриқлар яна ҳам кўркам ва муҳташам бўлиши учун курашайлик. — Ўзбекистон қўриқлари
Фабрикамизда илғорлар жуда кўп, улар ҳам маҳсулот кўлами учун, ҳам сифати учун курашадилар. — Газетадан
4. Бирор кимса ёки нарсага фаол қаршилик кўрсатмоқ, уни енгиш ёки ёʻқ қилиш учун чора кўрмоқ, ҳаракат қилмоқ, тиришмоқ, олишмоқ.
Жабр-зулмга қарши, ҳуқуқсизликка қарши курашмоқ керак. — Ойбек, Ҳур қидириб
Бўрон вақтида ҳам, бўрон тўхтаганда ҳам битмас-туганмас ғайрат ва жасорат намуналарини кўрсатиб, табиат офатига қарши курашдилар. — Ш. Рашидов, Бўрондан кучли
Жиноятларга қарши курашиш ва уларни келтириб чиқарувчи сабабларни тугатиш энг долзарб масалалардан ҳисобланади. — Газетадан
5. Жанг қилмоқ.
Тўпчиларимиз саросимага тушмай, ўз позицияларида маҳкам туриб, қаҳрамонларча курашдилар. — Газетадан