от 1. Сочилган нарсаларни сидириш, кураш, тўплаб бирор нарсага солиш учун ишлатиладиган, ёғочдан ёки металлдан ясалган узун сопли асбоб.
Ёʻлчи курак ва супурги олиб, отхонани тозалай бошлади. — Ойбек, Танланган асарлар
Меҳмонхона устида қулоқларини латта билан боғлаган бола ёғоч куракни ғиршиллатиб, қор кураб ётган эди. — П. Турсун, Ўқитувчи
2. анат. Елканинг юқори қисмидаги уч-бурчак шаклли ялпоқ суяк.
— Секинроқ юрсанг бўлмайдими, қизим! — деди она қўли билан Зебонинг икки кураги ўртасига ёпишган кўйлагини кўчирар экан. — Шуҳрат, Шинелли йиллар
- Курак тиш Юқори қатордаги олдинги икки ялпоқ тиш. Ёшни билиб олишга имкон берадиган анча аниқ, белги курак тишлардир. — Н. Мавлонов, Қорамолчилик
- Куракда турмайдиган 1. Тилга олиб бўлмайдиган, ярамас, уятли (гап-сўз ҳақида). Норматҳожининг жони чиқиб, томдагиларни куракда турмайдиган сўзлар билан сўкиб, ҳайдаб юборди. — Ойдин, Бечора;Эсон яна ўтириб қолишга мажбур эди. Чунки у, акасининг ичганда қиладиган ўжарлиги ҳеч куракда турмайдиган даражада бўлишини биларди. — Ҳ. Аҳмар, Ким ҳақ?