Қидирув

Бирор нарсанинг ёниб-куйишидан ҳосил бўладиган оқиш-қора ёки кўкиш чангсимон минерал қолдиқ

Тошкўмирнинг кули, шш Ўчоқдаги ўтни секин-секин кул бос- — Ойбек, Танланган асарлар

Солиҳ чекаётган сигаретасининг кулини қоқар экан, узилиб қолган гапини давом эттирди — О. Мўминов, Хиёбондаги уч учрашув

фл. 1. Юз, кўз ҳаракатлари ёки турлича товуш (товушлар) билан хурсандлигини, завқ-шавқини ифодаламоқ, кулги ифодаламоқ.

Хохолаб кулмоқ. Қаҳқаҳа уриб кулмоқ. Пиқ этиб кулмоқ. Ҳиринглаб кулмоқ. Мулойим кулмоқ. Мийиғида кулмоқ.

Олдин Камолиддин махдум, унга эргашиб Асад қори ҳи-ҳилаб кулди. — М. Исмоилий, Фарғона тонг отгунча

Аваз, Феруз шаънига айтган бир байтини эслаб, муртида кулди. — С. Сиёев, Ёруғлик

Ҳафиз Мирзамуҳамедовичнинг кулиб турган чеҳраси жиддийлашди. — С. Кароматов, Олтин қум

Ҳамон кулиб турган кўзлари билан уни бошдан-оёқ кузатиб чиқди. — Ў. Ҳошимов, Қалбингга қулоқ сол

2. Кулги билан масхараламоқ, мазах қилмоқ.

Ойи, сиз сезасизми, бойникида орқамдан кулишади, гапиришади, пичинг, кесатиқ-месатиқ ман яқинлашсам, жим бўлишади [деди Гулнор]. — Ойбек, Танланган асарлар

Қандоқ бораман кулмайдими ҳамма. — Ў. Ҳошимов, Қалбингга қулоқ сол

Кулса кулаверсин, бари бир ўз фикримда қоламан. — Х. Тўхтабоев, Ширин қовунлар мамлакати

от Кичик, кўримсиз, бечораҳол уй; бошпана.

Камбағал деҳқонларнинг кулбасидан фарқ қилмайдиган бу уй ана, рўпарада шумшайиб турибди. — Ҳ. Ғулом, Машъал

Ойдинли қиш кечаси шундай гўзал, шундай улуғворки, ҳатто хизматкорларнинг хароб кулбаси ҳам аллақандай бежирим манзара ясайди. — Ойбек, Танланган асарлар

от 1. Хурсандлик, вақтичоғлик ва завқланишни ифодаловчи, бўлиниб-бўлиниб чиқадиган товушлар, овозлар.

Самимий кулги. Залда кулги кўтарилди.

Сидиқжон кимнингдир қаттиқ кулгисидан уйғониб кетди. — А. Қаҳҳор, Қўшчинор чироқлари

Қоғози кўчган деворлар, тоза бўлса ҳам, эскириб кетган дарпарда, сарғайган чойгумни кўриб, қаноат ҳосил қилди, шекилли, яна кўзларида кулги ўйнади. — Ў. Ҳошимов, Қалбингга қулоқ сол

2. Мазах ёки калака қилинадиган нарса; калака, мазах ифодаси; масхара.

Бу ўринсиз ишдан Офтоб ойим аччиқланди: — Маним ҳолим сенга кулгими, қизим? — А. Қодирий, Ўтган кунлар

Биронтасини чақирсам, кейин, албатта, масхара қилишади, кулги, мазах учун уларга баҳона топилади, деб ўйлади Гулнор. — Ойбек, Танланган асарлар

от Тепа томони ингичкалашиб чиққан қалпоқ, бош кийими (асосан, қаландар, дарвешлар киядиган учли қалпоқ).

Дўкон оғзида бошига кулоҳ кийган қаландар ҳадеб айланишиб, исириқдонини у ёқдан-бу ёққа силкитаверди. — А. Мухтор, Опа-сингиллар

— Бош устига, — деди кулоҳига оқ салла ўраган вазир таъзим қилиб. — М. Осим, Карвон ёʻлларида

от Лойдан турли сопол идишлар, буюмлар тайёрлайдиган ҳунарманд.

Бўзчи белбоққа ёлчимас, кулол — мўндига. — Мақол

Баъзан тандир вазифасини кулоллар ишлаган эски хумлар ҳам ўташи мумкин. — К. Маҳмудов, Ўзбек тансиқ таомлари

Олмача, анорингга балли,

сада райҳонингга балли, Тангрим, мани шўр лойдан ясаган кулолингга балли. — Қўшиқлар