Поиск

ot 1. tar. Roʻyxat tuzish, qoʻlyozmalarni koʻchirish bilan shugʻullangan shaxs; mirza.

Navoiyning kotiblarga homiyligi asosan 1469 yildan, yaʼni u davlat arbobi vazifasiga koʻtarilib, kotiblarga homiylik qilish uchun moddiy imkoniyatga ega boʻlishi bilanoq boshlangan. — OʻTA

2. Idora va muassasalarda, lavozimli kishilar, yozuvchilar va shu kabilar shaxslar huzurida yozuv-chizuv ishlari va yozishmalarni olib boruvchi xodim, shaxs.

Kotib oʻtiradigan stol tepasidagi “Papiros chekma!“ degan yozuv ostiga kimdir pistakoʻmir bilan Noyevoy chekaver! deb yozib qoʻyibdi. — S. Ahmad, Hukm

Bu xatlarni u shaxsan oʻzi va kotibi yordamida oʻrganib, aksariyatiga erinmay javoblar yozgan. — Gazetadan

3. Idora, muassasa va shu kabilar kotibiyatiga rahbarlik qiluvchi, kotibiyat ishlariga masʼul xodim.

Fanlar akademiyasining bosh ilmiy kotibi. Institutning ilmiy kotibi.

4. Maxsus kengash, yigʻinlarning bayon-noma va shu kabilar yozuv-chizuv ishlarini olib boruvchi shaxs.

Dissertatsiya himoyalari boʻyicha ilmiy kengash kotibi. Majlis kotibi.

ot esk. kam qoʻll. Kalta, qisqa.

Qoʻli koʻtoh. Aqli koʻtoh. Arqonni kaltayi koʻtoh qilib qirqmoq.

Vaysiy soʻz koʻtoh qil, dam urma nodonlar aro. — Uvaysiy

sft. Butun boricha, yaxlit holda yoki katta, koʻp miqdorda amalga oshiriladigan; ulgurji (oldi-sotdi, savdo haqida).

Koʻtara savdo. Koʻtara (tarzda) olmoq. Koʻtara sotmoq.

Shu vaqtlarda Muhammadrajab u bilan koʻtara mol oladigan xaridoriga qilganday muomalada boʻlar edi. — A. Qahhor, Sarob

ot Kotib ayol.

Nazar qabulxonaga chiqib, kotibaga Alimatni topishni buyurdi. — E. Usmonov, Yolqin

Kotiba rais kirishi bilan dik etib oʻrnidan turdi. — A. Koʻchimov, Halqa

ot Qiymalangan yoki tuyilgan goʻshtdan tayyorlangan yassi, kulcha shaklidagi ovqat (baʼzi turlarida qiyma qobirgʻaga yopishtirilgan boʻladi).

Qaynatilgan makaron bilan kotlet keltirdim. — S. Siyoyev, Yorugʻlik