Қидирув

от 1. Кўриш, томоша қилиш учун қўйилган нарсалар ва шу нарсалар қўйилган жой.

Халқ хўжалиги ютуқлари кўргазмаси. Кўргазма экспонатлари.

Денгизчилар клубида ташкил этилган тасвирий санъат асарлари кўргазмасига одамлар анча серқатнов бўлиб қолишган эди. — М. Хайруллаев, Тилла маржон

2. айн. Кўрсатма.

Ўзбекистон Фанлар академиясининг президиуми академияда нашр этиладиган “Ахборотлар”, Ўзбек тили ва адабиёти, Фан ва турмуш журналлари таҳрир ҳайъатларига шу журналларнинг юбилейга бағишлаб махсус сонини чиқариш тўғрисида кўргазма берди. — ЎТА

сфт. 1. Ўргатиш, тушунтиришда намуна тарзида хизмат қиладиган нарса, материалга эга.

Кўргазмали дарс. Кўргазмали машғулот.

2. тўғриси (— кўргазма) Кўрсатиш учун фойдаланиладиган, хизмат қиладиган.

Кўргазмали қуроллар.

Деворлари кўргазмали материаллар билан безатилган шинамгина хонанинг ҳар иккала деразаси очиқ — П. Қодиров, Уч илдиз

от Фотосуратлар қўйиладиган, фоторасмлар билан безатиладиган кўргазма; фотовитрина.