fl. 1. Koʻpirmoq 1 feʼlining orttirma nisbati.
Bir krujka pivoni koʻpirtirib quyishga katta ilm, hunar kerak boʻlmasa kerak. — Shukrullo, Javohirlar sandigʻi.
Yigit gavdasi, qulochi bilan suvni koʻpirtirib, kuchli chayqatdi. — Oybek, Tanlangan asarlar
2. koʻchma Boʻrttirib, oshirib gapirmoq, mubolagʻa qilmoq.
Aslida, boʻlib oʻtgan voqea ahamiyatsiz bir gap edi. Biroq, uni shishirib, koʻpirtirib yuborish mumkin. — S. Ahmad, Hukm
Kechirasizlar, Abdukarim — raisning laganbardori, rosa koʻpirtirsa kerak, deb oʻylarsiz — S. Ahmad. Choʻl burguti.
- Ogʻiz koʻpirtirmoq 1. Boʻrttirib, mubolagʻa qilib gapirmoq. Uning xushmuomalaligi, dilkashligi toʻgʻrisida ogʻiz koʻpirtirib gapirdi. — P. Tursun, Oʻqituvchi;Mexanizatsiya tarafdori boʻlib, majlislarda ogʻiz koʻpirtiradigan akamlarni mendan koʻra yaxshiroq bilasizlar. — N. Safarov, Katta karvon yoʻlda