от 1. Янги турмушга чиққан ёки чиқаётган қиз.
Янги келинларнинг уйи одатда безатилган бўлади. — Ф. Мусажонов, Ҳиммат
Заргаров: Менга қаранг, ука Куёв билан келин менинг олдимда, ҳозир боради. Регистрация қилинг, бўлак гап ёʻқ — А. Қаҳҳор, Оғриқ тишлар
2. Ўғилнинг хотини (қайнота ёки қайнонага нисбатан).
[Фотима:] Мана шу Марасулни туққанимда, Шу ўғлим катта бўлса, хотин олса, келинимнинг ҳеч ишига аралашмайман, деб ният қилганман. Худо ниятимга етказди. — А. Қаҳҳор, Оғриқ тишлар
Қайнона-келин бир дақиқа чамаси кўришиб қолдилар. — А. Қодирий, Ўтган кунлар
3. Уканинг хотини (ака ёки опага нисбатан).
Зиёдилланинг ўз оиласида шу вақтгача содир бўлган кўнгилсиз ҳодисаларни ҳам, ўз келинининг бебош бўлиб кетганини ҳам ҳазм қила олмаслиги турган гап эди. — Ҳ. Ғулом, Машъал
4. Ўзидан ёш бўлган қариндош ёки яқин кишининг хотини ва шу хотинга мурожаат.
[Ганга] Ҳайдар ота аралашди: — Келин рост айтадилар. Менга қаранг, келин, ўртоғингиз менга сизни олиб келишни жуда тайинлаган. — А. Қаҳҳор, Асрор бобо
- Келин кўрмоқ 2. Келинли бўлмоқ, ўғлини уйлантирмоқ. [Нури] Ҳар ҳайит уч кунгина ясаниб-тусаниб келин кўришга юрар эди. — Ойбек, Қутлуғ қон;Вой, оғзингизга ёғ, ўғлим! Келин кўрадиган куним ҳам бормикин! — А. Қаҳҳор, Қўшчинор чироқлари
- Келин қилмоқ — Келин қилгани бисотда ҳеч нарса борми? — Бисот дейсиз, менинг бисотим сизлар-да, ўғлим! — А. Қаҳҳор, Қўшчинор чироқлари
- Келинни келганда кўр, сепини ёйганда кўр Кўрмасдан, билмасдан олдиндан ҳукм чиқарма, деган маънода ишлатиладиган мақол. Келинни келганда кўр, сепини ёйганда кўр, дейишади. Олиб келмагунингизча, ишонмайман. — Ойбек, Танланган асарлар
- Қизим, сенга айтаман, келиним, сен эшит Бирор гап-сўзни тўғридан-тўғри эгасига эмас, балки унга эшиттирган ҳолда, ўзгага айтишни билдирувчи мақол. Унинг назарида, бу гаплар унга қарата, қизим, сенга айтаман, келиним, сен эшит тарзида айтилаётгандек эди. — Т. Алимов, Совға