Қидирув

от 1. Руҳий ҳолат; кайфият.

Кайфи яхши. Кайфи чоғ. Кайфини бузмоқ.

Камбағал учун ўз ҳақини талаб қилиш ҳам қийин. Чунки хўжайиннинг хурсанд ва хурсанд бўлмаган чоғлари бўлади. Олдин унинг кайфини билиш керак. — Ойбек, Танланган асарлар

Дарҳақиқат, мингбоши бугун тетик, кайфи жойида кўринарди. — М. Исмоилий, Фарғона тонг отгунча

Рузвон хола ўзининг қайғули гаплари билан ўғлининг кайфини бузиб қўйганини пайқаб ачинди. — А. Мухтор, Опа-сингиллар

2. Кишининг яхши, ёқимли, ҳузур-ҳаловатли ҳолати.

Агар ўз кайфингиздан кечсангиз, яхши билингизки, бир эмас, икки жонни азобдан қутқарган бўласиз, онажон! — А. Қодирий, Ўтган кунлар

Бир бечоранинг сизнинг кайфингиз учун азоб эмас, чеккан хўрлигини ўйлаб, ҳар куни бир қат этдан тушаман. — А. Қодирий, Ўтган кунлар

3. Бирор нарса таъсиридан юз берадиган ёқимли, кўтаринки (роҳатбахш) ҳис-туйғу, ҳиссиёт.

Кечалар кайфи, Оқшомлар файзи. — М. Шайхзода.

Янги ерни обод қилишда ўзгача кайф бор. — Ойбек, Олтин водийдан шабадалар

Шеър кайфи кун бўйи қилди бетоқат. — С. Зуннунова.

Унинг майин, қўнғироқдек янгроқ, ширали овози Ҳамзага алоҳида кайф бағишлади. — К. Яшин, Ҳамза

4. Ичкилик ва бошқа маст қилувчи (кайф берувчи) нарсанинг таъсири, таъсир этиш хусусияти.

Ароқнинг кайфи. Нашанинг кайфи.

Афюннинг кайфи қурсин, домла, сизни одамгарчиликдан чиқариб қўйибди. — Ҳ. Ғулом, Машъал

Тантибойвачча кечаги базм ва ичкилик кайфини бутун кун чўзилган уйқу билан тиниқтириб, қўрғон эшигидан боғ ташқарисига чиқди. — Ойбек, Танланган асарлар

Чинни коса беш-олти бор қўлдан қўлга ўтгандан кейин, ҳар икковининг ҳам боши хийли оғирлашиб, кайф ғалаба қила бошлади. — Ҳ. Ғулом, Машъал

5. Ана шу нарсалар, унинг кайфи таъсирида (ичиш, чекиш ва шу кабилар натижасида) юзага келадиган руҳий ҳолат; мастлик.

Беш-олти қадам нарида кайф билан алжираётган йигитларнинг бири келиб, унга тегажаклик қилди. — С. Зуннунова, Кўк чироқлар

6. с. т. Умуман, кайф берувчи нарса (нос, сигарета ва бошқалар).

Қани, кайфдан олинг (оддий сўзлашувдан).

сфт. 1. Кайфи бор, маст.

Олма шохида осиғлиқ турган чироқ енгил эсган шабадада тилини чўзиб оларди. Бу кайфли Валихонга халқ исёнини эслатди. — Ш. Тошматов, Эрк қуши

2. Кайф берадиган, маст қиладиган, ақл-у ҳушини оладиган.

Кайфли ичимлик.

3. кўчма Баҳридилни очадиган, завқ-шавқ бағишлайдиган, завқли.

Кайфли манзара.

Ўрдак, ғознинг кайфли ери кўл бўлсин — Эрали ва Шерали

1. а joyless, mirthless, sad, melancholy, somber, boring, tedious, dull, tiresome, bored

2. адв boringly, tediously

от 1. Кишида ички кечинма, интилиш ва шу кабилар билан боғлиқ, унинг таъсирида юзага келувчи ҳолат, руҳий ҳолат.

Хушнуд кайфият. Кайфияти бузуқ. Кайфияти ўзгармоқ.

Инсон кайфияти, унинг иш натижаси меҳнат шароитига кўп жиҳатдан боғлиқдир. — Газетадан

Унинг лабларидаги табассум, дилида мавж ураётган шодлик, висол дақиқаларидагина бўладиган кайфият менинг қалбимда бош кўтарай деб турган ўйларни уйғотишга ёʻл қўймасди. — О. Мўминов, Хиёбондаги уч учрашув

Оғайнилар тушкунликка тушмадилар. Қувноқ ва тетик кайфиятда хайрлашдилар. — Гулдаста

2. Муайян бир ички интилиш, кечинма, руҳий ҳолат ва шу кабилар ифодаловчи, акс эттирувчи ҳолат.

Хотиржамлик кайфияти. Байрам кайфияти. Ишчанлик кайфияти.

Ишчилар билан солдатлар ўртасида қандайдир бирдамлик кайфияти сезиларди. — О. Раҳимов, Шонли кунлар хотираси

Бу бардамлик Йигиталини бир лаҳзада ҳамма нарсага бепарво қараш кайфиятидан халос қилди. — Д. Нурий, Осмон устуни

3. Яхши, ёқимли вазият, ҳолат.

Уларнинг кайфиятига кайфият қўшолган бўлсак, ўзимизни бахтиёр ҳисоблаймиз. — Газетадан

от айн. Кайф.

от Мастлик (Бирор нарсанинг сабаби мастлик деган маънони билдиради).

Жон, дўхтир, кайфчилик, оғзимдан чиқиб кетибди. — Шуҳрат, Жаннат қидирганлар