Поиск

ot 1. Ish-faoliyatning maʼlum tajriba, tayyorgarlik talab etadigan biror turi, sohasi; hunar.

Bu kishi oʻzlari hosilot, kasblari agronom, kechki maktabda muallimlik ham qiladilar. — A. Qahhor, Qoʻshchinor chiroqlari

Hayotda shunday odamlar boʻladiki, ular butun umrlarini faqat bir ishga, biron kasbga bogʻlaydilar. — X. Yodgorov, Hayot toʻlqinlari

2. Umuman, odat qilingan ish; odat.

Molning tilini bilish ham oʻziga yarasha kasb ekan. — Oʻ. Umarbekov, Shonli avlod

Foydaxoʻrlik — tan-suyagingizga singib ketgan kasbingiz. — H. Gʻulom, Mashʼal

Xotinini qoʻshib, amal olish — u sizning kasbingiz, mingboshi! — M. Ismoiliy, Fargʻona tong otguncha

ot 1. mat. Birlikning qismlaridan tashkil topgan son.

Oddiy kasr. Oʻnli kasr. Toʻgʻri kasr. Aralash kasr. Kasr son.

2. esk. ayn. Qoldiq 4.

Oʻn oltini uchga boʻlsak, bitta kasr qoladi.

sft. 1. Organizm meʼyoriy holatini, faoliyatini buzuvchi narsa; kasallik, dard.

Sil kasali. Rak kasali. Tutqanoq kasali. Kasalga chalinmoq.

[Shokir ota:] Burungi zamonlarda Ibn Sino, Luqmon Hakim oʻtgan. Ular har bir kasalga davo topgan. — Oybek, Tanlangan asarlar

Onasi oʻzining kasalini ham unutib, uning boshida parvona boʻldi. — Oʻ. Hoshimov, Qalbingga quloq sol

Yosh boʻlganidan kasalini oʻzi sezmasa kerak. Kasali oʻqtin-oʻqtin bir koʻrinish berib qoʻyadi. — Oybek, Tanlangan asarlar

2. sft. Organizmining meʼyoriy holati, faoliyati buzilgan, kasallikka yoʻliqqan; betob.

Kasal odam. Kasal mol.

Xotirjam ishlasin, deb kasal onasini birovning qoʻliga tashlagim kelmadi. — S. Zunnunova, Olov

Odam organizmining kasal yoki shikastlangan aʼzolarini almashtirish uchun sunʼiy ehtiyot qismlar yaratish gʻoyasi yangilik emas. — Fan va turmush

3. Organizmining meʼyoriy holati, faoliyati buzilgan shaxs, kasallikka yoʻliqqan shaxs; bemor.

[Shokir ota:] Ibn Sinoga kasalning joni chiqmagan boʻlsa, bas ekan, tuzatar ekan. — Oybek, Tanlangan asarlar

Ikki qavatli maktab binosi shoshilinch suratda front yoqasidan keltirilgan yarador, kasallar uchun boʻshatilmoqda. — R. Fayziy, Sen yetim emassan

4. ot koʻchma Narsa yoki uning qismidagi nosogʻ, buzuq holat; nosozlik, illat.

Hamma kasal shundaki, siz xalq kuchiga ishonmaysiz. — Sh. Rashidov, Boʻrondan kuchli

U [Erkin] mashinaga bir qarashdayoq kasalini topadi va davosini qiladi. — H. Gʻulom, Toshkentliklar

5. ot koʻchma Odatga aylangan ish, xatti-harakat.

— Saʼvani yaxshi koʻrasizmi? — Otadan qolgan kasal bu, — kulib javob berdi Yoʻldoshev. — Yoshlik

Demak, yolgʻonchilik kasaliga mubtalo boʻlgan kishini rostgoʻy odamning qoni bilan davolasa boʻladi. — X. Toʻxtaboyev, Shirin qovunlar mamlakati

Erining toʻsatdan qaysarlik kasali tutdi. — Tafakkur

6. ot koʻchma Umuman, biror narsa istagi, shunga ishtiyoq, intilish; dard.

Oʻzing ayt, agar menga shu kasalingni bir ogʻiz bildirsang, men qaynatangga xat yozmasmi edim — A. Qodiriy, Oʻtgan kunlar

Oilada ishning juda ishkali — Xolposhshaning kiyim-kechak kasali. — Mushtum

ayn. Kashfiyot.

[Yoʻldosh] Ayniqsa bu kashf harbiy istehkomda qoʻllanilsa, zoʻr foyda keltirishini alohida taʼkidladi. — Shuhrat, Shinelli yillar

Goh ustalar hunarin bayon etdingiz, Olimlarning kashfini ayon etdingiz. — M. Shayxzoda.

ot Harbiy xizmatchi, oʻt oʻchiruvchi, quruvchi va shu kabilarning metalldan yoki plastmassadan ishlangan, turli zarbalardan saqlovchi bosh kiyimi.

Pulemyot nihoyat tanaffus qildi. Ergash kaskasini bostirib kiyib, chuqurdan emaklab chiqdi. — H. Gʻulom, Toshkentliklar

Qorovulxonada ularga hech kim indamadi, yoʻlakda qoʻllariga bittadan karbid fonar olib, boshlariga kaska kiyishdi-da, konga kirib ketishdi. — A. Muxtor, Chinor

Togʻ parmalovchi yigitlar boshlariga poʻlat kaska kiyishib, saf tortib, tosh qoʻporishyapti. — S. Qodirov, Norak nurxonasi

sft. 1. Talab yoki xaridor yoʻqligi tufayli savdo-sotiq, kasb-hunar va shu kabilarning toʻxtab qolish, yurishmaslik, tovarning oʻtmaslik holati.

Nima qilib zerikib oʻtiribsiz, savdo kasodmi? — Oybek, Bolalik

Kasb-kori kasod boʻlgan usta Zamonning tirikchiligi yana ogʻirlashib qoldi. — Sh. Toshmatov, Erk qushi

Yigitali, magazinda KOOP [kooperativ] uni koʻpayib ketgach, tegirmoni kasod boʻlib, uyda oʻtirib qolgan otasi hozir pensiyadaligini eshitgan edi. — D. Nuriy, Osmon ustuni

Bandayi, yorab, Muqimiydek boʻlib xor-u kasod, Sud-u savdodin qolib, bozoridin ayrilmasin. — Muqumiy.

2. shv. Kasofat, zarar.

Uyquning kasodi koʻpdir kishiga, Buvishim, gʻaflatdan koʻtar boshingni! — Ravshan