от 1. Кам ҳолат, кам миқдорда бўлиш.
Аҳолининг камлиги. Ёғин-сочиннинг камлиги.
Ёʻқ, отахон, домла бу гапларни илми камлигидан айтган эмасдир. Илмда ҳам бор. — А. Қаҳҳор, Қўшчинор чироқлари
2. Етишмовчилик, камчилик; моддий қийинчилик, муҳтожлик.
Унинг ҳеч нарсадан камлиги ёʻқ.
- Камлик кўрмоқ (ёки тортмоқ) Камчилик, етишмовчилик, муҳтожлик туймоқ, кўрмоқ. Сендаги дўстлик меҳри Дўстларингга зиёда, Сен билан бирга бўлган Камлик кўрмас дунёда. — ҒайратийНима бўлса ҳам шулар олий маълумот олсин, эл-юртга қўшилсин — камлик тортмайди. — Р. Раҳмон, Меҳр кўзда
- Камлик қилмоқ Кифоя қилмаслик, (шунинг ўзи) етарли эмаслик. Шаҳардан олаётган шунча даромадинг камлик қилиптимики, энди қишлоққа қараб тамшанасан, баччағар! — М. Исмоилий, Фарғона тонг отгунчаГоҳо, жуда алам ўтганда, севишнинг ўзи бахтли бўлишга камлик қиларкан деб афсусланади Ёрқиной. — Р. Раҳмон, Меҳр кўзда