Qidiruv

ot 1. Daraxt, buta kabilarning barg-butoqsiz uzun shoxi (singan yoki maxsus qirqib olingan, hoʻl yoki quruq).

Tekinga oʻrgangan tekinxoʻr qoʻliga kaltak ilinsa ham, kerak boʻlib qolar, deb olib ketaverar ekan. — Mushtum

Oyimcha bibi ularni [tovuqlarni] koʻrdi-yu qoʻliga tushib qolgan bir kaltakni havola qilib, tirqiratib haydab, qargʻay-qargʻay uyiga kirib ketdi. — K. Yashin, Hamza

2. Urish, savash, haydash uchun ishlatiladigan maxsus yogʻoch; tayoq, govron.

[Jallod] Bandining tizzasidan quyisiga, oyoqlari suyagining qirrasiga kaltak bilan qattiq bir urdi. — S. Ayniy, Esdaliklar

[Sherbek] Kuliga kaltak olib, mol boqqani qirga chiqqanida quvonchini ichiga sigʻdira olmay dumbaloq oshgan edi. — S. Anorboyev, Oqsoy

3. folk. Toʻqmoq, choʻqmor; gurzi.

Toʻqson botmon choʻyan kaltak qoʻlimda. — Shirin bilan Shakar

[Koʻkaldoshning] Taqimida besh yuz botmon kaltagi. — Alpomish

4. Tayoq, musht va shu kabilar zarbi; urish.

[Laʼli] bekning kaltaklari ham yodidan koʻtarilib, alanga chayqalayotgan yerga yugurdi. — H. Gʻulom, Mashʼal

Suvonjonning kaltakka toqat qilishi Oysuluvga badtar alam qildi. — S. Anorboyev, Oqsoy

5. koʻchma Qattiq teguvchi, zarba boʻluvchi narsa; dakki.

Avaz uyiga kirgach, oʻzicha kulib: Mening sheʼrim ular uchun kaltak boʻladi, — deb qoʻydi. — J. Sharipov, Xorazm

Cholning har bir maqtov soʻzi polvonga kaltak boʻlib tushmoqda edi. — H. Nazir, Oʻtlar tutashganda

ot Sudralib yuruvchilar sinfiga mansub, dumi uzun va uziluvchan, tana tuzilishi turli-tuman, usti mayda tangachalar bilan qoplangan jonivor.

Yoʻl ustidan chiqib qolgan chaqqon kaltakesaklar oʻqday otilib, kavaklarga kirib ketadi — A. Qahhor, Maston

fl. 1. Kaltak bilan urmoq.

Hoʻkizni kaltaklamoq.

qoʻshni sovxozlardan yalinib-yolvorib olgan xashakni bir oy oʻtmay choʻgʻini oʻchirib qoʻyishibdi. U yana buzoqni kaltaklay boshladi. — Mushtum

2. Umuman, urmoq.

[Jallod:] — Buning nimasini ikki yuz darra uraman, yuzga chidasa ham goʻrga, — dedi, soʻng jahl bilan kaltaklashga oʻtdi. — S. Siyoyev, Yorugʻlik

Shuncha yil badalida erim chertmagan edi, endi ayamaydi, oʻlguncha kaltaklaydi, deb oʻyladi. — S. Siyoyev, Otliq ayol

3. koʻchma s. t. Qattiq tanqid qilmoq; qattiq koyimoq.

Hozir Eshmatov turli nayranglar bilan Ernazarovni himoya qilib, Qodirovni kaltaklab yuribdi. — Mushtum

fl. Kaltaklamoq feʼlining orttirma nisbati.

fl. Kaltaklamoq feʼlining orttirma nisbati.

fl. Kaltaklamoq feʼlining birgalik nisbati.