Izohli lugʻat
· yana 6 ta lugʻatda
ot 1. Nojoʻya xatti-harakatdan, gapdan yoki voqea-hodisadan ranjish, achchiqlanish, gʻazablanish tuygʻusi; gʻazab.
Jahl — dushman, aql — doʻst. — Maqol
Muharrir jahl bilan kalendarini shart-shart varaqladi-da, bitta betini yulib oldi. — Oʻ. Usmonov, Sirli sohil
Ahmadning jahli tez, sal narsaga tutaqib ketadi. — F. Musajonov, Himmat
2. ayn. Jaholat 1.
Maktab anjuman borgʻil, unda fikr ochib gohi, Ilm-u fan tigʻi bilan jahl bagʻrini qon qil. — Hamza
- Jahl ustida Achchigʻi, gʻazabi kelib turgan paytda. Jahl ustida ogʻzimdan biror yomon soʻz chiqib ketadi. U vaqtda koʻnglingiz ogʻriydi, qoʻying, ertalarga soʻzlasharmiz. Hamza, — Tuhmatchilar jazosiU [Yodgor] Charosning onasi jahl ustida shu ishni qilgan boʻlsa kerak, deb oʻylagandi. — Oʻ. Hoshimov, Qalbingga quloq sol
- Jahli burni Uchida Jahli tez, achchigʻi tez. Baʼzi aktiv akamlar Jahli burun uchida. — QoʻshiqlarJahli burnining uchiga kelib, bosh agronom M. M. Xristenkoni chaqirtirdi. — Mushtum
- Jahli chiqmoq Gʻazablanmoq, achchiqlanmoq. Hozir jahli chiqib oʻtirgan bu ayol koʻziga juda qadrdon koʻrinib ketdi. — Oʻ. Hoshimov, Qalbingga quloq solMingboshining jahli chiqdi. — Choʻlpon, Kecha va kunduzAdolat necha kungacha bu xil hazillarga koʻnikolmadi, gʻashi keldi va hatto jahli chiqib, baʼzi soldatlarga oʻshqirib berdi ham. — I. Rahim, Chin muhabbat
- Jahlidan tushmoq Gʻazabi pasaymoq, achchigʻi yumshamoq. Juvon uning [Sidiqjonning] oʻtirishini koʻrib, bir oz jahlidan tushdi. — A. Qahhor, Qoʻshchinor chiroqlari