Қидирув

от 1. Китобча ёки мажмуа шаклида белгили вақтда чиқиб турадиган даврий нашр.

Ойлик журнал,

Журнал ишига обдан берилиб кетдим. — М. Жўра, Ноширнома

Стол устида янги газета, журналлар. — Ш. Рашидов, Ғолиблар

2. Кундалик иш, воқеа, ҳодиса ва шу кабилар ёзиб бориладиган қайд дафтари.

Ўқитувчилар синф журналларини кўтаришиб, синф-синфга тарқаб кетишди. — С. Зуннунова, Янги директор

от Даврий матбуотда адабий-публицистик мақолалар билан қатнашувчи адиб, матбуот ходими.

Шариф Ризаев журналист, ёзувчи ва раҳбар сифатида гўзал фазилатларга эга эди. — Х. Ёдгоров, Ҳаёт тўлқинлари

Ўша кезларда мендек ёш журналист учун ҳар бир янгилик олам-олам қувонч эди. — М. Жўра, Ноширнома

от Журнал ўқувчи.

Фан ва турмуш журналининг асосий вазифаси ва хизмати журналхонларни билим чашмасидан кўпроқ қондиришдир. — Газетадан

сфт. Журналистикага ва журналист(лар)га оид.

от Журналист аёл.

от 1. Журналистлик касби, журналистлик иши.

Журналистикани яхши эгалламоқ.

Журналистика шу қадар оммавий, айни вақтда шу қадар ёқимли ишки, шу касбнинг соҳиблари доимо юртнинг фикри-зикрида яшайдилар. — Х. Ёдгоров, Ҳаёт тўлқинлари

2. Газета ва журнал фаолиятига оид фан тармоғи.

Кейинги йилларда ўзбек адабиёти ва журналистикасига жуда кўп талантли ёшлар кириб келдилар. — Х. Ёдгоров, Ҳаёт тўлқинлари