Поиск

ot 1. Tovuqning va baʼzi qushlarning bolasi.

[Tamanno] Andak is bosgan derazadan hovliga qaradi: hovli oʻrtasida quduq, nariroqda bir chipor tovuq oʻn-oʻn besh sariq joʻjalarini yetaklab yuribdi. — Mirmuhsin, Qumri va Tamanno

2. koʻchma Farzand, bola; goʻdak.

Gʻulomjon Matqovulni joʻjalari bilan davradan yetaklab chiqib ketdi. — M. Ismoiliy, Fargʻona tong otguncha.

Bir oʻzimga sakkiz jon qaraydi: beva opam, uning uchta sagʻiri oʻzimning uchta joʻjam. — N. Safarov, Uygʻonish

fl. Joʻja ochmoq, bola ochmoq.

ot Yosh urushqoq xoʻroz.

Obid ham joʻjaxoʻrozdek sapchib turdi. — X. Sultanov, Onamning yurti

Zoyirjonning qop-qora yuzi alamdan koʻkarib ketgan, oʻtirgan joyida joʻjaxoʻrozday boʻynini choʻzib gapirardi. — Oʻ. Hoshimov, Qalbingga quloq sol

, -dek: joʻjabirday jon Kichik bolalari, goʻdaklari koʻp odam haqida.

Joʻjabirdek jonman, bolam, ulugʻ biladilar: bir beva qizim uch bolasi bilan oʻzimda toʻrt bola. — Z. Said, N. Safarov, Tarix tilga kirdi

[Mirob] Mungʻayib koʻz yoshi qildi: — Ayb mendan oʻtgan. Joʻjabirday jonmiz. — S. Nurov, Narvon.

Bola-chaqasi koʻp.

fl. Joʻjalamoq feʼlining orttirma nisbati.