sft. Jonli organizmlarning jismiga oid; muskul harakatlari bilan bogʻlangan; jismonan.
Jismoniy tarbiya.
Koʻrinishdan Toʻlqinjon Sirojdan jismoniy kuchliroq edi. — F. Musajon, Huri
- Jismoniy mehnat [Avaz] Jismoniy mehnatdan yiroqroq yurganigami, bugun zoʻriqib qolgan edi. — S. Siyoyev, Avaz
- Jismoniy tarbiya Organizmni har tomonlama chiniqtirishga qaratilgan, sogʻliqni mustahkamlashni nazarda tutgan tarbiya, jismoniy mashqlar. Jismoniy tarbiya oʻz davriga nisbatan ancha yuqori bosqichda turgan Yunonistonda yalang oyoq yurish keng rasm boʻlgan. — Fan va turmush