ot 1. Soʻroqqa, murojaatga qaytariladigan gap; xat; tovush; imo-ishora va shu kabilar
Mujmal javob. Qatʼiy javob. Qoniqarli javob. Achchiq savol berib, shirin javob kutma. — Maqol
Hasanov fashistlarning soʻrogʻiga bir ogʻiz ham javob bermadi. — T. Rustamov, Mangu jasorat
Tojiboy aka boʻlsa, aniq javob bermay, gapni aylantirar edi. — S. Zunnunova, Yangi direktor
Tashqaridan shayxning ovozi keldi. Ichkaridan yana javob boʻlmadi. — K. Yashin, Hamza
2. mat.fiz. Muayyan masala, misol yoki topshiriqning yechimi.
Ushbu masalaning javobi ikki yoʻl bilan topiladi.
3. Ruxsat, izn.
Mayli, ishingiz zarur boʻlsa, sizga javob, doʻstim, ertagacha xayr. — K. Yashin, Hamza
Chokarning yelkasidan xurjunni olib, qoʻliga bir tanga qistirdi-da, unga javob berib yubordi. — M. Osim, Ibn Sino qissasi
- Javob bermoq 1. Aytmoq, soʻzlamoq; masʼul boʻlmoq. Xoʻp, bunga oʻzim javob beraman, ammo haligi gap-gap, mashoq toʻxtamasin. — O. Yoqubov, Er boshiga ish tushsaOdam baʼzan bir marta notoʻgʻri bosib qoʻygan qadami uchun umrbod javob beradi. — Oʻ. Hoshimov, Qalbingga quloq solShifoxona boʻlimlari hozirgi zamon tibbiyot talablariga javob beruvchi oltita korpusga joylashgan va zamonaviy mebellar bilan jihozlangan. — Gazetadan
- Javobini bermoq Qoʻyib yubormoq, ajralishmoq. Yarash polvon toʻgʻri kolxoz idorasiga yoʻl soldi. U Zumradni topmoqchi, u yerda, el-yurt oldida sharmandasini chiqarib, javobini bermoqchi edi. — S. Siyoyev, Otliq ayol[Teshaboy] Farzandsizlik tufayli eri javobini berib yuborgan bir bevaga uylandi. — Shuhrat, Jannat qidirganlar