сфт. 1. эск. қ. Жангчи.
Катта майдон жанговарлар билан тўла. — Ойбек, Навоий
2. Уруш, жангга оид, уруш-жанг билан боғлиқ.
Жанговар ҳаракат. Жанговар тартиб.
Петка унинг сўзига диққат билан қулоқ солди-да, мийиғида кулди ва жанговар бир эпизодни айтиб берди. — А. Қаҳҳор, Олтин юлдуз
Сўнгра учинчи рота командирига ўнг қанотдаги душман ротасининг жанговар позициясини аниқлашни буюрди. — И. Раҳим, Чин муҳаббат
3. Жангларда чиниққан, уруш-жангларда ўзини кўрсатган; шижоатли.
Жанговар халқ. Жанговар полк,
Асриян қанча кўп зерикса, шунча кўп баталонини, ундаги жанговар дўстларини эслайдиган бўлди. — Шуҳрат, Шинелли йиллар
Жанговар йигитларнинг тантилиги уларга жуда қимматга тушиб кетди. — М. Осим, Карвон ёʻлларида
4. кўчма Кундалик, ҳар доимги; фаол; оташин.
Адолатнинг: Ўзимизни ишда ҳам кўрсатайлик, деган сўзлари бригада қизларининг жанговар шиори бўлиб қолди. — И. Раҳим, Чин муҳаббат
5. Жуда муҳим, тез фурсатда бажарилиши зарур.
Кием Симферополни озод қилиш учун жанговар топшириқ олди. — Т. Рустамов, Мангу жасорат
- Жанговар варақа Жанговар варақани ўқиб турган ёшлар олдида Муҳиддин анча туриб қолди. — Р. Файзий, Чўлга баҳор келди