Поиск

ot 1. Guruh, jamiyat, sinf yoki davlatlarning birlikda ish olib borish uchun tuzgan birlashmasi; birlashma, uyushma.

— Axir, barcha temuriylar birlashib, ittifoq tuzsalar boʻlmasmi? — dedi Nigor xonim. — P. Qodirov, Yulduzli tunlar

2. sft. Oʻzaro yaxshi munosabatli; inoq, ahil.

Ittifoq oila. Ular bir-biri bilan ittifoq. Ittifoq boʻlmoq.

Koʻngillari doim yosh boʻlsin. Oʻzaro doʻst, ittifoq, hamdam, Oilaga bizdek bosh boʻlsin. — H. Gʻulom, Bayram kechida

Ittifoq el sira koʻrmas xoʻrlikni. — Gulixiromon

rvsh. Kutilmaganda, tasodifan, toʻsatdan.

Ittifoqo uchrashib qoldik.

Ittifoqo, boshqarmada ish avj olib ketgan kunlarda Qandolatxon haftalab ishga kelmadi. — Mirmuhsin, Hikoya va qissalar

ot 1. Hamkorlik qiluvchi, oʻzaro ittifoqlikda birga harakat qiluvchi; hamkor.

Rais uchun boʻron yana bitta ittifoqchi topilganligi bilan baravar edi. — Sh. Rashidov, Boʻrondan kuchli

2. Bir ittifoqdagi.

Oʻzbekiston aholisining moddiy turmush darajasi sobiq ittifoqchi respublikalarning koʻpchiligidagiga nisbatan ancha yaxshidir. — E. Yusupov, Istiqlol yoʻlida

ot Inoq, ahil munosabat.

Oqsoqol nasihatgoʻylikka oʻtdi: — Ittifoq boʻlinglar. har bir ishda ittifoqlik yaxshi. — P. Tursun, Oʻqituvchi

Mamlakatimiz uchun ittifoqlik, bahamjihatlik, yakdillik suv va havoday zarur. — Oybek, Nur qidirib.

ot Ittifoqchi

ittifoqdosh respublikalar.