Qidiruv

sft. 1. Ilmga oid, ilmga qaratilgan.

Ilmiy asar. Ilmiy kuzatish. Ilmiy jurnal. Ilmiy nashriyot. Ilmiy farazlar.

Imom al-Buxoriy, Ahmad al-Fargʻoniy kabi buyuk bobolarimizning maʼnaviy va ilmiy merosini teran oʻrgana boshlaganimiz boʻlsa ham shunda. — Gazetadan

2. Oʻqish-oʻqitish, ilmiy-tashkiliy ishlar bilan shugʻullanuvchi.

Ilmiy kengash. Ilmiy boʻlim.

Shu orada nima boʻldi-yu, maktabning ilmiy mudiri pensiyaga chiqib, oʻrniga Ahmadxonov maʼqul koʻrildi. — Guldasta

3. Ilm-fan bilan bogʻliq muammolarni oʻrganuvchi, ilmiy-tadqiqot ishlari bilan shugʻullanuvchi.

IX-Xasrlarda Qurdoba dorilfununi yirik ilmiy markazga aylandi. — Fan va turmush

Ilmiy maskanda samarali tadqiqotlar olib borilmoqda. — Gazetadan

Respublikamizda ilmiy muassasalar tarmogʻi tobora kengaymoqda. — Fan va turmush

sft. Omma uchun moʻljallangan ilmiy (nashr, film va shu kabilar haqida).

sft. Diniy eʼtiqodni inkor qilib, faqat ilmiy tamoyillarga asoslangan.

sft. Ilm-fan va texnikaga aloqador.

ot 1. Qilingan ish, harakat, faoliyat.

Har kim oʻz qilmishiga qarab topadi. — Maqol

Tergovchi oʻz qilmishi bilan faxrlanganday, hammaga bir-bir qaradi. — A. Qahhor, Sarob

Uning xafa boʻlganini avzoyidan, qilmishidan bilib boʻlmaydi — Gazetadan

2. Nojoʻya ish, harakat, qilgʻilik.

Oʻz qilmishiga iqror boʻlmoq.

Togʻamning qilmishidan nomuslarga oʻladi kishi. — A. Qahhor, Yangi yer

Adolatli hukm chiqarish, gunoh-korlarni qilmishiga yarasha toʻgʻri jazolash oson ish emas. — Gazetadan

ot bot. Shirinmiya (dukkakli oʻsimlik)