Qidiruv

ot 1. Badiiy, ilmiy, sanʼatga oid asar yoki moddiy boylik yaratish, vujudga keltirish; yaratuvchilik faoliyati.

Yosh shoirlarning ijodi joʻsh urmoqda.

Shu qirq yil davomida men ijodimni xalq taqdiri bilan bogʻlashga harakat qildim. — Oybek, Xalqqa xizmat — baxt

2. Yaratuvchilik faoliyati mahsuli, samarasi.

Navoiyning ijodini oʻrganish.

Haqiqiy ziyoli oʻz bilimlaridan, ijodidan boshqalarni ham bahramand qilishga intilgan shaxsdir. — E. Yusupov, Istiqlol yoʻlida

sft. 1. Ijod, yaratuvchilik bilan bogʻliq boʻlgan.

Ijodiy faoliyat. Ijodiy mehnat.

Yusufjon qiziqning ijodiy yoʻli juda murakkab, rang-barangdir. — T. Obidov, Yusufjon qiziq

Ijodiy salohiyat jihatidan barcha xalqlar umuman bir xildagi potensial imkoniyatlarga ega boʻlishi mumkin. — Gazetadan

2. Umuman, muayyan sohada ish-faoliyat bilan shugʻullanuvchi.

Ijodiy jamoa.

Men Adolat gazetasining ijodiy xodimlaridan, barcha jamoasidan umr boʻyi minnatdorman. — Gazetadan

ot Ijod qiluvchi shaxs; ijodkor.

ot Ijod etuvchi, yuzaga keltiruvchi, yaratuvchi; yaratilgan narsa egasi.

Ijodkor xalq.

Koʻz ilgʻamas vodiylaring oq oltinga kon Xalqing zafar ijodkori, tinchlikka posbon. — Gʻayratiy

Mening Vatanimda tugʻilgan inson, Tabiiy, ijodkor boʻlur begumon. — Q. Muhammadiy

Bu voqealarning ijodkori va ijrochisi boʻlmish Oliy Kengash aʼzolarining faoliyatini bugun faxr bilan eslasak arziydi. — Gazetadan

ot 1. Ijodiy ish bilan bogʻliq boʻlgan faoliyat; ijod.

Musiqa ijodiyotiga bunday zoʻr qiziqish Oʻzbekiston adabiyoti va sanʼati kunlari mobaynida toʻla-toʻkis namoyon boʻldi. — Gazetadan

2. Biror janr yoki shaxsga mansub asarlar majmui.

Badiiy ijodiyot. Navoiy ijodiyoti.

ot Ijodiy ish (ijod) olib boriladigan xona, joy.

Boshqa tomonda alohida ijodxonasi boʻlsa kerak, deb oʻyladim. — N. Aminov, Qahqaha