Qidiruv

ot 1. Mehnat bilan shugʻullanuvchi, oʻz kuchi bilan hayot kechiruvchi shaxs; mehnatchi.

Shu yoʻsin ariq qazila boshlandi. Lekin ishchi koʻp, oziq-ovqat yoʻq edi. — A. Qodiriy, Mehrobdan chayon

Biz — ishchimiz, mehnatchimiz, Biz ham inson oʻgʻlimiz. — Hamza

2. Korxonalarda jismoniy mehnat qiluvchi (ishlovchi) shaxs; moddiy boylik yaratuvchi ijtimoiy guruh vakili.

Zavod ishchisi. Qurilish ishchisi. Temir yoʻl ishchisi.

Ishga qabul qilishda sinab koʻrish — ishchi yoki xizmatchining unga topshirilayotgan ishga muvofiqligini tekshirib koʻrishdir. — Gazetadan

Eʼzozli oʻquvchim (balki paxtakor, ehtimol, ishchisan, balki ziyoli). — A. Sher

Xodimga oʻxshash; ishchi sifatida kiyingan.

ot Taftish qiluvchi, tekshiruvchi.

Xalq nazorati postidagilar Ilhomchaning egri qoʻlligi haqida militsiyaga signal berishibdi. Ammo taftishchilar kelganda, Ilhomcha allaqachon qochib ulgurgan edi. — H. Gʻulom, Senga intilaman

Pixi qayrilgan taftishchilar qasd qilganda ham, biron marta kamomad topolmaganlar. — Y. Shamsharov, Toshqin

ot Mish-mish gaplarni tarqatuvchi, tarqatishni yaxshi koʻruvchi.

Men gap-soʻzdan qoʻrqmayman-u, el ogʻzida saqich boʻlish, mishmishchilarni oʻchakishtirish ham havas emas. — A. Muxtor, Boʻronlarda bordek halovat

ot Namoyish qatnashchisi.

Shahar koʻchalarida namoyishchilarning keti uzilmaydi.