Поиск

sft. 1. Koʻndalang kesimi meʼyordan kichik; zid. yoʻgʻon.

Ingichka ip. Ingichka sim. Ingichka tolali paxta. Ingichka tolali jun.

Sekretarning choʻziq va sotma yuzi ham, ingichka sariq qoshi ham nam edi. — X. Toʻxtaboyev, Shonli avlod

2. Chiyildoq, oʻtkir (tovush haqida).

Uning ingichka tovushi menga tanishday tuyuldi.

Qiziqchi ingichka, quloqni teshadigan darajada qattiq dodlaganidan hamma kulib yubordi. — T. Obidov, Yusufjon qiziq

3. koʻchma Nozik ifodali, nozik.

[Yormat] Qoʻlini allaqanday chuqur, ingichka maʼno bilan boʻshang silkidi. — Oybek,Tanlangan asarlar

Bu chuchmal adovat bilan ingichka tabiatli Anvarning ne kayfiyatga tushishini tasavvur qilolmas edi. — A. Qodiriy, Mehrobdan chayon

ot Yupqalik, nafis; noziklik, xipchalik

belning ingichkaligi, ingichkaligiga qaramay

fl. Yoʻnib yoki choʻzib ingichka qilmoq.

Qalamning uchini ingichkalamoq.

Chol dukning uchini ingichkalar ekan, kulib qoʻydi. — Oybek, Ulugʻ yoʻl

fl. Ingichkalamoq feʼlining majhul va oʻzlik nisbati.

fl. Ingichka holga kelmoq, ingichka tortmoq.

Bolalarcha kulumsiragan va yuqoridan pastga mayin ingichkalashgan oq, tiniq yuzi, qalam bilan chizilgandek ingichka, maʼnodor qoshlari bor edi. — Oybek, Tanlangan asarlar

Koʻkda bir tilim qovundek ingichkalashgan oy atrofni xira yoritardi. — S. Karomatov, Oltin qum

fl. Ingichkalashmoq feʼlining orttirma nisbati.