Поиск

ot Afifa (xotin-qizlar ismi).

ot 1. fls. Narsa, voqea, hodisa va shu kabilarni ularning oʻziga xos belgi va ichki xususiyatlariga koʻra ifodalovchi falsafiy tushuncha.

Miqdorning sifatga aylanishi.

2. Narsaning, kimsaning ijobiy yoki salbiy xususiyati, fazilati, xislati.

Inson sifatlari ichida kamtarlik eng yaxshi fazilatdir. — Gazetadan

Navoiy Husayn Boyqaroda shoirlik, ilmparvarlik sifatlarini koʻrdi. — Oybek, Navoiy

[Domla oʻz-oʻziga:] Hurmatli kitoblarda aytadilar: Sabrlilik — xudoning oyati, sabrsizlik — shaytonning sifati. Shularga amal qilib, bir oz sabr qolmoq kerak. — Hamza, Tanlangan asarlar

3. Molning, mahsulotning yoki ishning yaroqlilik darajasi, qoʻyilgan talablarga qanchalik javob bera olishini belgilovchi xususiyati.

Mahsulotning sifatini yaxshilamoq. Ishning sifatini oshirmoq.

Nonning sifati uning namligi va gʻovakligi kabi xossalar bilan belgilanadi. — Gʻ. Mahkamov, Dasturxonimiz fayzi

Fabrikamizda ilgʻorlar juda koʻp, ular ham mahsulot koʻlami uchun, ham sifati uchun kurashadilar. — Gazetadan

4. Qoʻshma soʻz tarkibida “oʻxshash“, -simon kabi maʼnolarni bildiradi, masalan,

devsifat, odamsifat, ulugʻsifat.

5. tlsh. Predmetning belgisini bildiruvchi soʻzlar turkumi.

Nisbiy sifat. Tub sifat. Sifat darajalari.

ot 1. Aholi tabaqasi, guruhi.

Savdogarlar toifasi. Badaviylar toifasi.

Bilarmiding, ey talonchi toifa, Mehnat ahli qayramoqda qilichin! — M. Shayxzoda

U toʻyboshilarga oldindan uqtirib qoʻygan edi: Tartib buzilmasin, har toifani oʻz vaqtida, oʻz yeriga oʻtqazish, oʻziga yarasha kutish kerak. — Oybek, Tanlangan asarlar

2. Xil, tur.

Rahim domla kabilar chumchuqdan qoʻrqib, tariq ekmaydiganlar toifasidan. — H. Gʻulom, Mashʼal

Shunday toifa odamlar boʻladiki, ular mehnat bilan boʻlib, oʻzini oʻylamaydi. — Oʻ. Umarbekov, Odam boʻlish qiyin

ot esk. Xotin, rafiqa, ayol.

Ogʻamning zaifasi farzand dogʻidan telba boʻlib qoldi [dedi Qutbiddin]. — P. Qodirov, Yulduzli tunlar

Fosiq afandi yoshgina ovozni eshitib, kiftlarini uchirdi keyin tomogʻini qirib, mayin tovush bilan: — Zaifalari boʻlasizmi, xo-nim afandi? — deb soʻradi. — M. Ismoiliy, Fargʻona tong otguncha

— Ayol kishi oti — joʻni bilan zaifa deyiladi, — dedi polvon tishini tishiga bosib. — Q. Kenja, Notanish gul

ot 1. Kulgili voqea-hodisa haqidagi kichik hikoya.

Bir oz charchagandan soʻng oʻtirib, turli latifalar qiziq-qiziq hikoyalarni esladik. — O. Yoqubov, Yangi yil kechasida

Toshkentlik mashhur boyning xasisligi haqida hali hech kimning qulogʻiga chalinmagan latifalar suhbatga rang berib turar edi. — Oybek, Tanlangan asarlar

2. Latifa (xotin-qizlar ismi).

ot 1. Kitob, daftar va shu kabilar varagʻining har bir tomoni; bet.

Daftarning sahifasi.

Hammasi boʻlib besh sahifali hikoyachaga yuz ellik sahifa qogʻoz qoralangan. — Gazetadan

Mutrib xatchoʻp solingan bir sahifani ochdi-yu, oʻqi! dedi. — S. Siyoyev, Yorugʻlik

2. Varaq betidagi matn.

Narzi choʻntagidan gazeta olib, uni chiroqqa tutib, sahifalariga koʻz yugurtirdi. — N. Safarov, Olovli izlar

3. Gazeta, jurnal va shu kabilarning maʼlum masalaga bagʻishlangan yoki biror umumiy mavzu bilan bogʻlangan bir beti.

Gazetaning adabiyot sahifasi. Sheʼr sahifasi.

Ahmedov sahifadagi materiallarni koʻzdan kechirgach, umumiy sarlavhani tovush chiqarib oʻqidi. — A. Qahhor, Qoʻshchinor chiroqlari

4. koʻchma Davomli butun bir hodisa, hayot va shu kabilarning ayrim davri.

Shoir hayotining shonli sahifalari. Tarix sahifalari.

Toshkent festivali uch qitʼa kinematografchilari ijodida yorqin sahifalar ochayotir. — Gazetadan

Yangi yil hayotimizga kirib kelishi bilan olam yangilangandek boʻladi — tarix solnomasining yana bir yangi sahifasi ochiladi. — Gazetadan