sft. 1. kt. Kishilik tarixining eng qadimgi, dastlabki davriga oid, sinfiy jamiyatdan oldingi.
Zero, ibtidoiy jamiyatdan tortib hozirgi jamiyat bosqichiga qadar boʻlgan davrlar odam mehnati samarasi — N. Safarov, Olovli izlar
2. Boshlangʻich, dastlabki.
Ibtidoiy maktab (esk.).
Shu oddiy bir kishi(ni), ibtidoiy maktabning muallimini, Abbosxondan tortib Muhammadjon domlagacha izzat qiladilar. — A. Qahhor, Sarob
3. Oddiy, elementar.
Mulla Shohning adabiyot bilan mashgʻuloti juda sodda va ibtidoiy edi. — S. Ayniy, Esdaliklar
Mehnatga ishtiyoq boʻlgani holda unga munosabat joʻn va ibtidoiy darajada turibdi. — Gazetadan