Qidiruv

ot 1. Biror tushuncha yoki fikr ifodalovchi, odatda, soʻzlarning turgʻun birikmasi (soʻz birikmasi yoki gapga teng jumla); taʼbir.

Obrazli ibora.

Chernitsov “vaqtincha tantana”, vaqtincha chekinish, qayta hujumga oʻtish degan iboralarni qiynalib aytdi. — I. Rahim, Chin muhabbat

Ular Suqrotning Avval oʻzingni angla, shunda dunyoni anglaysan degan mashhur iborasini oʻzlariga dasturilamal qilib olishgan. — Sirli olam

2. ayn. Soʻz 2.

rvsh. 1. Tashkil topgan, tarkib topgan; tuzilgan.

Suv vodorod va kisloroddan iborat. Besh kishidan iborat komissiya

saksovul, qandim, cherkez kabi choʻl oʻsimliklaridan iborat oʻrmonzorlar barpo etildi. — Gazetadan

“Oʻzbekiston milliy ensiklopediyasi” Davlat ilmiy nashriyoti esa Imom al-Buxoriy hadislaridan iborat “Solih amallar”, Er va ayol burchi, Ilm-u maʼrifat nuri singari moʻjaz kitoblarni chop etdi. — Gazetadan

2. Feʼl-bogʻlama vzf.

Asosiy vazifa — mavjud barcha moddiy resurslardan foydalana bilishdan iborat.

koʻm. (ch.k. bilan) Payt yoki makon (joy) bildiruvchi soʻzlar bilan qoʻllanib, payt, makon munosabatini ifodalaydi.

Yongʻoqdan eʼtiboran soyga tushguncha koʻndalang egatli alohida taxta boshlanadi. — A. Qodiriy, Obid ketmon

Ota-ona farzandini tugʻilgan kunidan eʼtiboran parvarishlab, yuvib-tarab katta qiladi. — Gazetadan