Qidiruv

ot 1. Muayyan koʻnikma, mahorat talab qiladigan, tirikchilikning asosiy manbai hisoblanuvchi ish, mashgʻulot; kasb.

Hunar, hunardan unar. — Maqol

Yigit kishiga yetmish hunar oz. — Maqol

Onam ham oʻqituvchi, Bir hunari — toʻquvchi, Menchi aʼlo oʻquvchi — Q. Muhammadiy.

Yigitning qoʻlida gulday hunari bor. — Oybek, Tanlangan asarlar

Otasining hunarini yaxshi egallab olgan bu yigitcha uchun qishloqda ish koʻp edi. — S. Ahmad, Hukm

— Boshqa bir hunarga bersak boʻlmaydimi? — dadamning sartaroshlikka hech koʻngillari yoʻq edi. — E. Raimov, Ajab qishloq

2. Biror ishdagi mahorat, sanʼat; mohirlik, ustalik talab etuvchi ish, xatti-harakat

Hunarining borin unda bildirgan, Kungurasin poʻlatdan qip endirgan. — Murodxon

Konferansye ikkinchi nomerda xohlagan kishi xohlagan hunarini koʻrsatishi mumkin, deb hammani kuldirdi — A. Qahhor, Tanlangan asarlar

Chekinish uchun ham hunar kerak bu ham sanʼat talab qiladi — Oybek, Quyosh qoraymas

3. Odat tusidagi ish, harakat.

Ammo eski hunaringizni qilib, otamga chaqsangiz, mendan shafqat kutmang! Mirmuhsin, — Meʼmor

Uyda qovogʻini osiltirib, koʻchada begona ayolni koʻrganda iljayadigan, tirjayadigan hunarga oʻrgandi. — Mushtum

Kesatiq hunaring esingdan chiqdimi, deb turgan edim. Harnechuk yodingda ekan — A. Qodiriy, Mehrobdan chayon

4. Boʻlmagʻur, kelishmagan xatti-harakat, qiliq, odat.

Abdishukur, ovozni bunchalik boshqacha qilishni kimdan oʻrganding? Hunaringga balli-ye — Oybek, Tanlangan asarlar

Gʻaroyib kuchdan sher boʻlib ketgan bolalar tarbiyachilarini koʻrib xijolat tortish, izza boʻlish oʻrniga gʻilaylashgan koʻzlarini suzib, oʻz hunarlarini davom ettiraverishdi. — Gazetadan

sft. Hunari bor, hunar egasi, hunar oʻrgangan.

Hunarli er xor boʻlmas. — Maqol

Lekin oʻzlari toʻrt ogʻani edilar, toʻrtovi ham kal edi, barisi ham hunarli edi. — Ravshan

Bu orzuga erishmoq uchun astoydil ishlab, hunarli boʻlib olish kerak. — M. Osim, Tilsiz guvoh

sft. Biror hunarni egallamagan, hunari yoʻq.

Donishmand unga: — Hunarsiz kishining qoʻli bogʻliq, — debdi. — I. Rahim, Chin muhabbat

Yaxshi bir meʼmor hunarsiz asilzodaning yuztasidan afzal emasmi? — P. Qodirov, Yulduzli tunlar

Har hunarning bir gashti bor, Hunarsizning ne gashti bor? — Q. Muhammadiy

ot 1. Uyida yoki oʻz doʻkonida mahsulot ishlab chiqarish bilan shugʻullanuvchi kasb-hunar egasi; kosib.

Davr taqozosi bilan hunarmandchilikning yangi-yangi turlari vujudga keldi. Hunarmandlar ham turli mahsulotlar tayyorlash boʻyicha ixtisoslasha bordilar. — OʻzME.

Rastalari turli kasbdagi hunarmandlar — temirchilar, mis choʻkichlab, naqshli barkash, choydish, chilobchin, xilma-xil buyumlar yasovchi misgarlar taqachilar, kulol, baqqol va kosiblar bilan obod edi. — K. Yashin, Hamza

Yigʻildi turli kosib, turli dehqon, Hunarmand-u shakarpaz, turli bogʻbon. — Habibiy

2. Oʻz ish-kasbining mohir ustasi.

bu yigitning kelishgan va harakatchan qomati odamlarning koʻz oldiga kelib turadi. — Koʻp hunarmand yigit ekan, azamat! — deydilar. — P. Tursun, Oʻqituvchi

Turli xil ranglarning mutanosibligi, oltin qoʻlli hunarmandlar sehrli joziba bagʻishlagan shisha buyumlarni koʻrib, koʻzingiz toʻymaydi. — Gazetadan.

ot Hunarmand ekanlik.

Arabjonning hunarmandligi ogʻizdan ogʻizga koʻchdi. Ganchdan ajoyib nusxalar ishlangan ayvon-u peshtoqlarni koʻrgani mahalladagi xotinlar kira boshladi. — S. Zunnunova, Izlar

ot Ishlab chiqarishning kasb-hunar egalari (hunarmandlar) faoliyat yuritadigan sohasi (

Hunarmandchilik buyumlari.

Oʻtgan asr oʻrtalarida Toshkent aholisining koʻp qismi hunarmandchilik, savdo va dehqonchilik bilan shugʻullangan. — Fan va turmush

Karim qorining asli kasbi hunarmandchilik boʻlsa ham, adabiyotni tushunadigan, oʻzi ham sheʼrlar mashq qiladigan, odamlarni gapga solishga usta edi. — Shukrullo, Javohirlar sandigʻi