Поиск

ot 1. Kimsa, narsa va u bilan bogʻliq voqea-hodisalarning ogʻzaki tafsiliy bayoni.

Mulla Fazliddin yosh Boburga Navoiy haqida juda koʻp ajoyib hikoyalar aytib bergan edi. — P. Qodirov, Yulduzli tunlar

Gʻoyib endi studentlikning oltin davri haqida zavq-shavq bilan hikoya boshladi. — J. Abdullaxonov, Oriyat

Chol boshlar umrining hikoyasini, Bir-bir soʻylab chiqar bor-barchasini. — H. Olimjon

2. Epik turga mansub kichik hajmli janr; shu janrda yozilgan asar (syujet va kompozitsiyaning nisbatan soddaligi, bayonning bir shaxs tomonidan olib borilishi bilan roman va povestdan farqlanadi; asosan nasriy ifodaga ega boʻladi).

Hikoya yozmoq. Abdulla Qahhorning hikoyalari. Hikoyalar toʻplami.

Yozuvchilarimizdan Saida Zunnunova, Rahmat Fayziy oila masalasida anchagina hikoya yozishgan. — Mushtum

ot 1. esk. ayn. Hikoya.

Maqollarga, ertakka, hikoyatlarga. Men umrimda juda koʻp quloq osibman. — M. Shayxzoda

Mirza Bahrom ham hali Tavhidiy oʻqigan hikoyatning yozilish tarixini soʻzlab berdi. — A. Qahhor, Millatchilar

Hikoyatlarning har birida qissa-dan hissa tarzida hikmatomuz xulosalar, tanbehlar mavjud. — H. Homidiy, Tasavvuf allomalari

2. Hikoyat (xotin-qizlar ismi).

ot 1. Hikoya qiluvchi, ertak va hikoyalarni soʻzlab beruvchi.

2. Hikoyalar yozuvchi, hikoyanavis.

ot Hikoya yozuvchi.

Birinchi oʻzbek hikoyanavisi Oydin ijodi yangi oʻzbek adabiyotining taraqqiyotida muhim oʻrin tutadi. — S. Mamajonov, Hayot kuychisi

Yosh hikoyanavis Oʻ. Umarbekovnnig Soliya xola, Choʻlda bir kun kabi hikoyalarida kishining yuksak fazilatlarini ochib berishga urinish seziladi. — Sharq yulduzi

ot Hikoyachining mashgʻuloti, hikoyalar yozish ishi.

Bizda kichik janrga — hikoyachilikka yetarli diqqat qilinmagani mening izzat-nafsimga tegadi. — Gʻ. Gʻulom, Talant va mahorat

ot 1. Norozilik, nolish soʻzi; hasrat.

Uyqusizlikdan shikoyat qilmoq.

Hammaning tilida shikoyat: qimmatchilikdan, mardikor olish voqeasidan, bekorchilikdan shikoyat. — Oybek, Tanlangan asarlar

— Kambagʻalchilik oʻlsin! — xotin bu gapni shikoyat tarzida aytdi, ammo Turobjon buni taʼna deb tushundi. — A. Qahhor, Anor

2. Norozilik va maʼlum talab bilan ogʻzaki yoki yozma tarzda bildirilgan fikr; arz.

Shikoyat — ojizlik alomati.

Shikoyatni oʻziga ep koʻrmay, jim oʻtirdi Ahmad. — F. Musajonov, Himmat

Koʻpchilikning arz-dodiga quloq solmagandan keyin shikoyat oqaveradi-da. — Mushtum

Yo Qoʻqon hokimi Medinska janobi oliylariga arz qilarsan Bor, bora qol, shikoyat qila qol. — K. Yashin, Hamza

3. ayn. Shikoyatnoma.

Shikoyat va tavsiya daftari.

Kasabaqoʻm ishchi va xizmatchilarning shikoyatlarini korxona maʼmuriyati bilan birgalikda koʻrib chiqadi. — Gazetadan

Hukmlar toʻgʻrisida shikoyat berish erkinligi koʻzda tutiladi. — Gazetadan